முத்துராமலிங்கம் படத்தை உடனடியாக நிறுத்த சென்னை ஐகோர்ட் அதிரடி உத்தரவு
- IndiaGlitz, [Wednesday,March 01 2017]
கவுதம் கார்த்திக், ப்ரியா ஆனந்த் நடிப்பில் ராஜதுரை இயக்கத்தில் இசைஞானி இளையராஜா இசையில் உருவான திரைப்படம் 'முத்துராமலிங்கம். இந்த படம் கடந்த வெள்ளியன்று வெளியாகி திரையரங்குகளில் வெற்றிகரமாக ஓடிக்கொண்டிருக்கின்றது.
இந்நிலையில் நேற்று திடீரென இந்த படத்தை நிறுத்துமாறு திரையரங்குகளுக்கு சென்னை ஐகோர்ட் உத்தரவிட்டுள்ளது. இதனால் படக்குழு அதிர்ச்சி அடைந்துள்ளது.
இந்த படத்தின் தயாரிப்பாளர் விஜய்பிரகாஷ் என்பவர், எம்.வி.பிரகாஷ் என்பவரிடம் வாங்கியிருந்த ரூ.29 லட்சம் கடனை திருப்பி தரவில்லை எனக் கூறி சென்னை ஐகோர்ட்டில் தாக்கல் செய்யப்பட்ட வழக்கின் விசாரணையில் 'முத்துராமலிங்கம்' படத்தை தடை செய்து நீதிமன்றம் உத்தரவிட்டுள்ளது.
கடன் தொகையை வட்டியுடன் திருப்பித் தந்துவிட்டு படத்தை திரையிட உத்தரவிடப்பட்டுள்ளதால் இன்று தயாரிப்பாளர் தரப்பில் இருந்து பணம் கட்டப்படும் என எதிர்பார்க்கப்படுகிறது.