సైరా నర్సింహారెడ్డి చిత్రం విడుదలకు గ్రీన్ సిగ్నల్ ఇచ్చింది తెలంగాణ హైకోర్టు. మొదట స్వాతంత్ర్య సమరయోధుడు ఉయ్యాలవాడ నర్సింహారెడ్డి బయోపిక్ అని చెప్పిన సినిమా యూనిట్ ఇప్పుడు చరిత్ర అని తప్పుదోవ పట్టిస్తుందని తమిళనాడు తెలుగు యువసంఘం నాయకులు కేతిరెడ్డి పిటిషన్ పై విచారించిన కోర్టు.. సినిమాను కేవలం వినోద పరంగా చూడాలని సూచించింది.

ఎంతో మంది మహానుభావుల చరిత్రలపై సినిమాలు వచ్చాయని.... ఉన్నది ఉన్నట్లు ఎవరు చూపించారని ప్రశ్నించింది. గతంలో గాంధీజీ, మొగల్ ల సామ్రాజ్య చరిత్రను తెరకెక్కించిన చిత్రాల గురించి ఈ సందర్భంగా ప్రస్తావించింది న్యాయస్థానం. సినిమా నచ్చేది నచ్చనిది ప్రేక్షకులకు వదిలేయాలన్న హైకోర్టు... ఇప్పుడు సినిమాను తాము ఆపలేమని తేల్చిచెప్పింది. సైరా నర్సింహారెడ్డి చిత్రంపై దాఖలైన పిటిషన్ ను కొట్టివేసింది.