ఢిల్లీలో హై అలెర్ట్.. ఇప్పటికే ఉగ్రవాదులు చేరుకున్నారన్న నిఘా వర్గాలు
- IndiaGlitz, [Monday,June 22 2020]
ఢిల్లీలో ఉగ్రదాడులు జరగవచ్చంటూ నిఘా హెచ్చరికల నేపథ్యంలో ఢిల్లీలో అధికారులు హై అలెర్ట్ ప్రకటించారు. జమ్మూకశ్మీర్ నుంచి ట్రక్ ద్వారా ఇప్పటికే దాదాపు ఐదుగురు ఉగ్రవాదులు చేరుకున్నారని నిఘా వర్గాల సమాచారం. మరికొందరు కూడా వచ్చేందుకు సిద్ధంగా ఉన్నారని తెలిపాయి. దీంతో ఢిల్లీ పోలీసులు అప్రమత్తమయ్యారు. ఎక్కడికక్కడ తనిఖీలు చేపట్టారు. ఇతర రాష్ట్రాల నుంచి దేశ రాజధానికి వచ్చే రహదారులపై కూడా దృష్టి సారించారు. ప్రతి ఒక్కరినీ క్షుణ్ణంగా తనిఖీ చేశాకే పంపిస్తున్నారు. ఢిల్లీలోని ముఖ్య ప్రదేశాల్లో కట్టుదిట్టమైన భద్రతను చేపట్టారు.