చియాన్ విక్ర‌మ్‌, హ‌రి కాంబినేష‌న్‌లో 2003లో విడుద‌లైన సామి సెన్సేష‌న‌ల్ హిట్ అయ్యింది. ఈ చిత్రాన్ని తెలుగులో ల‌క్ష్మీ న‌ర‌సింహా పేరుతో బాల‌కృష్ణ రీమేక్ కూడా చేశాడు. తెలుగులో కూడా సినిమా భారీ విజ‌యాన్ని అందుకుంది. దాదాపు ప‌ద్నాలుగేళ్ళ త‌ర్వాత సామి సీక్వెల్ త‌మిళంలో రూపొంద‌నుంది. ఈ సినిమాకు సంబంధించిన ప‌నుల‌న్నీ పూర్త‌వుతున్నాయి. త్వ‌ర‌లోనే మూవీ సెట్స్‌లోకి వెళ్ళ‌నుంది. శిబు త‌మీన్స్ ఈ చిత్రాన్ని నిర్మిస్తున్నారు.

కాగా ఈ సినిమా ప్రీ ప్రొడ‌క్ష‌న్‌లో భాగంగా విక్ర‌మ్ స‌ర‌స‌న ఇద్ద‌రు హీరోయిన్స్ పేర్ల‌ను ప‌రిశీలిస్తున్నార‌ట‌. అందులో ర‌కుల్ ప్రీత్ సింగ్‌ను పేరు ముందు వ‌రుస‌లో ఉండ‌గా, క్యాథ‌రిన్ థెస్రా పేరు కూడా ప‌రిశీల‌న‌లో ఉంద‌ట‌. మ‌రిప్పుడు ఈ సినిమాను తెలుగులో రీమేక్ చేయ‌కుండా డ‌బ్ చేసి విడుద‌ల చేస్తారు. అందుకు కార‌ణం...ఇప్పుడు విక్ర‌మ్‌కు తెలుగులో మంచి మార్కెట్ ఉండ‌ట‌మే కార‌ణం.