స్కిన్ షోకి రెడీ అంటున్ననాయిక...
- IndiaGlitz, [Friday,January 08 2016]
స్కిన్ షోకి రెడీ అంటున్ననాయిక...ఎవరో కాదు. అందాల రాక్ష‌సి లావ‌ణ్య త్రిపాఠి. భ‌లే భ‌లే మ‌గాడివోయ్ సినిమాతో సూప‌ర్ హిట్ సాధించిన లావ‌ణ్య ఈ సంక్రాంతికి సోగ్గాడే చిన్ని నాయ‌నా సినిమాతో ప్రేక్ష‌కుల ముందుకు వ‌స్తుంది. సంక్రాంతికి ప‌ర్ ఫెక్ట్ మూవీ అంటూ వ‌స్తున్న ఈ సినిమాపై లావ‌ణ్య చాలా కాన్పిడెంట్ గా ఉంది. ఈనెల‌లో సోగ్గాడే చిన్ని నాయ‌నా తో పాటు లావ‌ణ్య న‌టించిన ల‌చ్చిందేవికి ఓ లెక్కుంది సినిమాతో కూడా రిలీజ్ అవుతుంది. ఈ రెండు సినిమాలు త‌న‌కు మంచి పేరు తీసుకువ‌స్తాయి అంటోంది.
ఇక అస‌లు విష‌యానికి వ‌స్తే...త‌న కెరీర్ గురించి లావ‌ణ్య స్పందిస్తూ...సినిమా, సినిమాకి క్యారెక్ట‌ర్ ప‌రంగా కొత్త‌గా ఉండాల‌నుకుంటాను. అందుకే ఆఫ‌ర్స్ చాలా వ‌స్తున్న‌ప్ప‌టికీ సెలెక్ట‌వీగా సినిమాలు చేస్తున్నాను. భ‌లే భ‌లే మ‌గాడివోయ్ లో మోడ్ర‌న్ గా క‌నిపిస్తే...సోగ్గాడే చిన్ని నాయ‌నా లో హోమ్లీగా చీర‌లో క‌నిపిస్తాను. ల‌చ్చిందేవికి ఓ లెక్కుంది లో మూడు విభిన్న‌పాత్ర‌ల్లో క‌నిపిస్తాను. ఇలా నాకు క్యారెక్ట‌ర్ లో కొత్త‌ద‌నం కావాలి. డ్రెస్ విష‌యానికి వ‌స్తే...క్యారెక్ట‌ర్ డిమాండ్ చేస్తే...స్కిన్ షో చేయ‌డానికికైనా రెడీ అంటోంది. మ‌రి...అందాల రాక్ష‌సి స్కిన్ షో ఎప్పుడు చేస్తుందో..?