అల్లు అర్జున్ సోదరిగా మారిన హీరోయిన్...
- IndiaGlitz, [Tuesday,July 30 2019]
'మెంట‌ల్ మ‌దిలో..' చిత్రంతో తెలుగులో మెల్లిగా ప్ర‌స్థానాన్ని ప్రారంభించిన దుబాయ్ భామ నివేతా పేతురాజ్ మెల్లిమెల్లిగా తెలుగులో సినిమాలు చేస్తోంది. 'చిత్ర‌ల‌హ‌రి'లో ఓ కేర‌క్ట‌ర్ చేసిన ఆమె 'బ్రోచేవారెవ‌రురా'లోనూ మెప్పించింది.
త్వరలోనే ప్రారంభం కానున్న తమిళ రీమేక్ 'తడం'లో రామ్ జతగా నటించనుంది. కాగా.. ప్రస్తుతం స్టైలిష్ స్టార్ అల్లు అర్జున్ హీరోగా త్రివిక్రమ్ ద‌ర్శ‌క‌త్వంలో రూపొందుతున్న చిత్రంలోనూ కీలక పాత్ర చేస్తుందని తెలుసుంది. లేటెస్ట్ సమాచారం ప్రకారం నివేదా పేతురాజ్... ఈ సినిమాలో బన్నీ సోదరిగా కనపడుతుందట. పాత్రకున్న ఇంపార్టెన్స్ మేర, సోదరి పాత్రను చేయడానికి నివేదా ఒప్పుకుందని టాక్.
'జులాయి', 'సన్నాఫ్ సత్యమూర్తి' చిత్రాల తర్వాత బన్నీ, త్రివిక్రమ్ కాంబినేషన్‌లో వస్తోన్న సినిమా కావడంతో సినిమాపై భారీ అంచనాలు నెలకొన్నాయి. పూజా హెగ్డే హీరోయిన్‌గా నటిస్తోన్న ఈ ఫ్యామిలీ ఎంటర్‌టైనర్‌లో సీనియర్ హీరోయిన్ టబు కీలక పాత్రలో నటిస్తున్నారు. వచ్చే ఏడాది సంక్రాంతికి సినిమాను విడుదల చేయడానికి దర్శక నిర్మాతలు ప్లాన్ చేస్తున్నారు.