మాస్‌రాజ‌కు నో చెప్పేసిన హీరోయిన్‌?
- IndiaGlitz, [Sunday,June 07 2020]
ప్ర‌ముఖ సినిమాటోగ్రాఫర్ కె.యు.మోహ‌న‌న్(‘మ‌హ‌ర్షి’ సినిమాటోగ్రాఫర్) కుమార్తె మాళ‌వికా మోహ‌న‌న్ మలయాళ చిత్రంతో హీరోయినన్‌గా కెరీర్‌ను స్టార్ట్ చేసిన సంగ‌తి తెలిసిందే. ఆ త‌ర్వాత ఈమె క‌న్న‌డ, హిందీ చిత్రాల్లోనూ న‌టించింది. ఇక కోలీవుడ్ విష‌యానికి వ‌స్తే సూప‌ర్‌స్టార్ రజినీకాంత్ హీరోగా న‌టించిన ‘పేట’ చిత్రంలో మాళ‌వికా మోహ‌న‌న్ కీల‌క పాత్ర‌లో న‌టించింది. త‌ర్వాత తెలుగులోనూ న‌టించ‌డానికి గ్రీన్ సిగ్న‌ల్ ఇచ్చింది. విజ‌య్ దేవ‌ర‌కొండ హీరోగా స్టార్ట్ అయిన ‘హీరో’ సినిమాలో మాళ‌వికా మోహ‌న‌న్‌నే హీరోయిన్‌గా అనుకున్నారు. అయితే ఈ సినిమా బ‌డ్జెట్ ప‌రిమితులు దాటుతుండ‌టంతో నిర్మాత‌లు సినిమాను ఆపేశారు. ఇప్పుడు విజ‌య్ ‘మాస్ట‌ర్‌’ చిత్రంలో న‌టించింది. ఈ సినిమా విడుద‌ల‌కు సిద్ధంగా ఉంది.
ఇప్పుడు మ‌రోసారి మాళ‌వికా మోహ‌న‌న్‌కు మ‌రో తెలుగు సినిమాలో అవ‌కాశం వ‌చ్చింద‌ట. వివ‌రాల్లోకెళ్తే.. ర‌వితేజ హీరోగా ర‌మేశ్ వ‌ర్మ ద‌ర్శ‌క‌త్వంలో ఓ సినిమా చేయ‌నున్న సంగ‌తి తెలిసిందే. ఈ చిత్రంలో హీరోయిన్‌గా న‌టింప చేయ‌డానికి మాళ‌వికా మోహ‌న‌న్‌ను చిత్ర యూనిట్ సంప్ర‌దించింద‌ట. అయితే ఎందుక‌నో మాళ‌విక తెలుగులో న‌టించ‌డానికి ఆస‌క్తి చూపించ‌లేద‌ట.