రాజమౌళి దగ్గర క్లాస్ కోసం తాను రెఢీ అంటోన్న హీరోయిన్
- IndiaGlitz, [Friday,March 17 2017]
తెలుగు సినిమా స్థాయిని ప్ర‌పంచ స్థాయికి తెలియ‌జేసిన సినిమా బాహుబ‌లి. విజువ‌ల్ వండ‌ర్‌గా రూపొందిన ఈ చిత్రం రెండు భాగాలుగా రూపొందింది. అందులో పార్ట్ 1 ఆరు వంద‌ల కోట్ల కలెక్ష‌న్స్‌తో సంచ‌ల‌న క్రియేట్ చేస్తే, పార్ట్2 ఏప్రిల్ 28న విడుద‌ల‌కు సిద్ధ‌మ‌వుతుంది. ఈ సినిమా ట్రైల‌ర్ చూసిన వారంద‌రూ వెండితెర‌పై రాజమౌళి అండ్ టీం క్రియేట్ చేసిన అద్భుతంగా వ‌ర్ణిస్తున్నారు. సినీ సెలబ్రిటీలు అంద‌రూ ట్రైల‌ర్ న‌భూతో న‌భ‌విష్య‌త్ అనేలా ఉందని మెచ్చుకుంటున్నారు.
వీరి లిస్టులో చైన్నై సొగ‌స‌రి స‌మంత కూడా చేరింది. బాహుబ‌లి 2 ట్రైల‌ర్ అద్భుతంగా ఉందని, రాజమౌళి మైండ్ ఎలా ప‌నిచేస్తుందో ఏమో కానీ..బాహుబ‌లి 2కు సంబంధించిన క్లాసులేమైనా పెడితే తాను ముందుగా అందులో ఎన్‌రోల్ చేయించుకుంటాన‌ని చెబుతుంది. స‌మంత ప్ర‌ధాన పాత్ర‌లో రాజమౌళి ద‌ర్శ‌క‌త్వంలో ఈగ సినిమా చేసిన సంగ‌తి తెలిసిందే. ఈ సినిమాతెలుగు ట్రైల‌ర్‌కు ఇప్ప‌టికే రెండు కోట్ల‌కు పైగా వ్యూస్ వ‌చ్చాయి.