శృంగార తార‌గా ఒక‌ప్పుడు మ‌ల‌యాళంలో పేరు తెచ్చుకున్న ష‌కీలాకి ఉన్న క్రేజ్ గురించి ప్ర‌త్యేకంగా చెప్ప‌న‌క్క‌ర్లేదు. ఆమె సినిమా విడుద‌ల‌వుతుందంటే.. స్టార్ హీరోలు సైతం వారి సినిమాల‌ను వాయిదా వేసుకునేవారు. అస‌లు తెలుగు కుటుంబానికి చెందిన ష‌కీలా మ‌ల‌యాళ చిత్ర సీమ‌లోకి ఎందుకు వెళ్లారు? ఆమె జీవితంలో ఆమె ఎదుర్కొన్న స‌మ‌స్య‌లేంటి? ఇత‌ర‌త్రా విష‌యాల‌తో ష‌కీలా బ‌యోపిక్‌ను తెర‌కెక్కిస్తున్నారు. ఇప్ప‌టికే షూటింగ్ దాదాపు పూర్త‌య్యింది.

రిచా చ‌ద్దా ష‌కీలా పాత్ర‌లో క‌నిపించ‌బోతున్నారు. ఈ పాత్ర కోసం ష‌కీలాను ప్ర‌త్యేకంగా క‌లిసి పాత్ర తీరు తెన్నుల‌ను అవ‌గ‌తం చేసుకుని రిచా చ‌ద్దా క‌ష్ట‌ప‌డ్డారు. త్వ‌ర‌లోనే సినిమా ప్ర‌మోష‌న్స్ స్టార్ట్ కాబోతున్నాయి. అందులో భాగంగా రిచా చ‌ద్దా బెల్లీ డాన్స్ చేయ‌నుంద‌ట‌. అందుకోసం బాలీవుడ్ మాస్ట‌ర్స్ ద‌గ్గ‌ర రిచా బెల్లీ డాన్స్ నేర్చుకుంటుంద‌ట‌. సినిమా కోసం రిచా చ‌ద్దా బాగానే క‌ష్ట‌ప‌డుతుందంటున్నారంద‌రూ. ఈ చిత్రం తెలుగు, త‌మిళ‌, మ‌ల‌యాళ‌, హిందీ భాష‌ల్లో విడుద‌ల కాబోతుంది.