చిరంజీవి, బాబి సినిమా...ఇద్ద‌రిలో హీరోయిన్‌గా ఫైన‌ల్ అయ్యెదెవ‌రో?
- IndiaGlitz, [Wednesday,February 10 2021]
మెగాస్టార్ చిరంజీవి 152వ చిత్రం ‘ఆచార్య’ షూటింగ్‌తో బిజి బిజీగా ఉన్నాడు. కాగా.. మ‌రో మూడు సినిమాలను వ‌రుస లైన్‌లో పెట్టేసుకున్నాడు. అందులో ముందుగా మ‌ల‌యాళ చిత్రం ‘లూసిఫ‌ర్‌’కి రీమేక్‌గా మోహ‌న్‌రాజా ద‌ర్శ‌క‌త్వంలో సినిమా సెట్స్‌పైకి వెళ్ల‌నుంది. దీని త‌ర్వాత త‌మిళ చిత్రం ‘వేదాళం’కు రీమేక్‌ను మోహ‌ర్ రమేశ్ ద‌ర్శ‌క‌త్వంలో చేయాల్సి ఉంది. అలాగే రీసెంట్‌గా డైరెక్ట‌ర్ బాబి, మైత్రీ మూవీ మేక‌ర్స్ కాంబినేష‌న్‌లో ఓ సినిమా చేస్తున్నాన‌ని చిరంజీవి ప్ర‌క‌టించిన సంగ‌తి తెలిసిందే. ఈ రెండు చిత్రాల్లో మెహ‌ర్ రమేశ్ కంటే ముందుగా బాబి సినిమానే సెట్స్‌పైకి వెళుతుంద‌ని సినీ వర్గాల్లో గుస‌గుస‌లు వినిపిస్తున్నాయి.
ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయ‌ట. చిరంజీవి స‌ర‌స‌న నటించ‌బోయే హీరోయిన్ ఎవ‌రనే దానిపై నిర్మాత‌లు ఆలోచిస్తున్నారు. ఇద్ద‌రు హీరోయిన్స్ పేర్లు ప‌రిశీల‌న‌లో ఉన్నాయి. అందులో ఒక‌రు శ్రుతిహాస‌న్ కాగా.. మ‌రొక‌రు ర‌కుల్ ప్రీత్ సింగ్‌. ఎవ‌రో ఒక‌రిని ఫైన‌ల్ చేస్తార‌ట. చిరంజీవి సినిమాలను పూర్తి చేయడంలో చాలా స్పీడు చూపిస్తున్నారు. ఈ ఏడాదిలో రెండు సినిమాలను పూర్తి చేయాలని టార్గెట్ పెట్టుకున్నట్లు తెలుస్తోంది.