స్టైలిష్ స్టార్ అల్లు అర్జున్ సినిమాకు సంబంధించిన ప్రీ ప్రొడ‌క్ష‌న్ ప‌నులు వేగం పుంజుకుంటున్నాయి. డైరెక్ట‌ర్ త్రివిక్ర‌మ్ ఫుల్ ఎంట‌ర్‌టైనింగ్ పంథాలో సినిమా ఉండేలా స్క్రిప్ట్‌ను సిద్ధం చేసేస్తున్నాడు. త్వ‌ర‌లోనే స్క్రిప్ట్ ఫైనల్ వ‌ర్క్ కంప్లీట్ కానుంది. మ‌రో ప‌క్క ఇత‌ర ప‌నులు జ‌రుగుతున్నాయి. `డీజే దువ్వాడ జ‌గ‌న్నాథ‌మ్‌` త‌ర్వాత బ‌న్నితో పూజా హెగ్డే మ‌రోసారి క‌లిసి న‌టించ‌నుంది.

అలాగే బాలీవుడ్ నటుడు బోమ‌న్ ఇరాని, నగ్మా కూడా ఈ చిత్రంలో న‌టిస్తార‌ని టాక్. ఈ సినిమాకు థ‌మ‌న్ సంగీతాన్ని అందించ‌నున్నాడు. లెటెస్ట్ న్యూస్ ప్ర‌కారం ఈ చిత్రంలో మ‌రో హీరోయిన్‌గా క్యాథ‌రిన్ న‌టించ‌నుంద‌ట‌. ఇద్ద‌రు అమ్మాయిల‌తో, స‌రైనోడు చిత్రాల త‌ర్వాత బ‌న్ని, క్యాథ‌రిన్ న‌టించే హ్యాట్రిక్ ఇదే అవుతుంది. త్వ‌ర‌లోనే సినిమా సెట్స్‌కు వెళ్ల‌నుంది.