రవితేజ మూవీలో హీరోయిన్ ఫిక్స్..!
- IndiaGlitz, [Saturday,January 28 2017]
మాస్ రాజా రవితేజ కొంత గ్యాప్ త‌ర్వాత రెండు సినిమాల‌ను ఎనౌన్స్ చేసారు. ఇందులో ఒక‌టి ట‌చ్ చేసి చూడు, రెండు రాజా ది గ్రేట్. ముందుగా ట‌చ్ చేసి చూడు సినిమా షూటింగ్ ప్రారంభించ‌నున్నారు. ఈ చిత్రం ద్వారా విక్ర‌మ్ సిరికొండ ద‌ర్శ‌కుడిగా ప‌రిచ‌యం కానున్నారు. ఈ చిత్రాన్ని న‌ల్ల‌మ‌లుపు బుజ్జి, వ‌ల్ల‌భ‌నేని వంశీ సంయుక్తంగా నిర్మించ‌నున్నారు.
ఈ మూవీ ద్వారా బాలీవుడ్ మ్యూజిక్ డైరెక్ట‌ర్ ప్రీత‌మ్ టాలీవుడ్ కి ప‌రిచ‌యం అవుతున్నారు. అయితే...రవితేజ పుట్టినరోజు సంద‌ర్భంగా ఈ మూవీని ఎనౌన్స్ చేసారు కానీ..ఇందులో న‌టించే హీరోయిన్ ఎవ‌ర‌నేది ఎనౌన్స్ చేయ‌లేదు. ఇక లేటెస్ట్ న్యూస్ ఏమిటంటే...ఈ చిత్రంలో రవితేజ స‌ర‌స‌న లావ‌ణ్య త్రిపాఠి న‌టించ‌నుంద‌ని స‌మాచారం. లావ‌ణ్య ప్రస్తుతం వ‌రుణ్ తేజ్ తో క‌లిసి మిస్ట‌ర్ సినిమాలో న‌టిస్తుంది. ఈ చిత్రాన్నికి కూడా నిర్మాత న‌ల్ల‌మ‌లుపు బుజ్జే. అందుక‌నే అనుకుంట రవితేజ మూవీకి కూడా లావ‌ణ్య‌నే ఫిక్స్ చేసార‌ని తెలిసింది.