మెగా బ్ర‌ద‌ర్ నాగ‌బాబు త‌న‌యుడు వ‌రుణ్ తేజ్ హీరోగా పూరి జ‌గ‌న్నాథ్ ద‌ర్శ‌క‌త్వంలో రూపొందిన మా అమ్మ మ‌హాల‌క్ష్మి సినిమా సంక్రాంతికి రిలీజ్ చేయ‌డానికి ప్లాన్ చేస్తున్నారు. ఈ సినిమా త‌ర్వాత హీరో వ‌రుణ్ తేజ్ మ‌లినేని గోపీచంద్ ద‌ర్శ‌క‌త్వంలో ఓ మూవీ చేయ‌డానికి గ్రీన్ సిగ్న‌ల్ ఇచ్చారు. ఈ సినిమా క్రీడా నేప‌ధ్యంతో సాగే క‌థ‌తో రూపొంద‌నుంది. ప్ర‌స్తుతం ఈ మూవీకి సంబంధించి స్ర్కిప్ట్ వ‌ర్క్ జ‌రుగుతోంది. అయితే ఈ చిత్రంలో వ‌రుణ్ తేజ్ స‌ర‌స‌న ర‌కుల్ ప్రీత్ సింగ్ న‌టించ‌నున్న‌ట్టు స‌మాచారం. ర‌కుల్ ఈమ‌ధ్య యంగ్ హీరోల స‌ర‌స‌న న‌టించే ల‌క్కీ ఛాన్స్ ద‌క్కించుకుంటుంది. మ‌రి..వ‌రుణ్ స‌ర‌స‌న ర‌కుల్ న‌టించే వార్త నిజ‌మా కాదా అనేది తెలియాలంటే కొన్ని రోజులు ఆగాల్సిందే.