క‌ల్యాణ్ రామ్ హీరోగా ఈస్ట్‌కోస్ట్‌ ప్రొడక్షన్స్‌, కూల్‌ బ్రీజ్‌ సినిమాస్‌ బ్యానర్స్‌పై మ‌హేష్ కొనేరు స‌మ‌ర్ప‌ణ‌లో జ‌యేంద్ర దర్శ‌క‌త్వంలో కిర‌ణ్ ముప్ప‌వ‌ర‌పు, విజ‌య్‌కుమార్ వ‌ట్టికూటి నిర్మాత‌లుగా రూపొందుతున్న చిత్రంలో హీరోయిన్ మారనుంది. ఆస‌క్తిక‌ర‌మైన విస‌య‌మేమంటే ముందుగా ఈ చిత్రంలో మ‌ల‌యాళీ హీరోయిన్ ఐశ్వ‌ర్య ల‌క్ష్మిని హీరోయిన్‌గా ప్ర‌క‌టించారు. అయితే తాజా స‌మాచారం ప్ర‌కారం ఈ చిత్రంలో ఇప్పుడు ఐశ్వ‌ర్య ల‌క్ష్మి న‌టించ‌డం లేద‌ట‌. ఐశ్వ‌ర్య‌ల‌క్ష్మి యాక్టింగ్ అప్రోచ్‌మెంట్ న‌చ్చ‌క‌పోవ‌డంతో నిర్మాత‌లు ఈ నిర్ణ‌యం తీసుకున్నార‌ట‌.

ఇప్పుడు చిత్ర యూనిట్ మ‌రో హీరోయిన్ కోసం అన్వేషిస్తున్నారు. రొమాంటిక్ ఎంట‌ర్‌టైన‌ర్‌గా రూపొందనున్న ఈ చిత్రంలో న‌టించబోయే హీరోయిన్ ఎవ‌రో తెలియాలంటే కొన్ని రోజులు ఆగాల్సిందే. ఈ సినిమాకు ప్ర‌ముఖ సినిమాటోగ్రాఫ‌ర్ పి.సి.శ్రీరామ్ సినిమాటోగ్ర‌ఫీని అందిస్తున్నారు. శ‌ర‌త్ సంగీతం అందిస్తున్నారు.