హిందీ, తెలుగు చిత్రాల్లో న‌టించిన న‌టి, మోడ‌ల్ గెహ‌నా వ‌శిష్ట్‌ను ముంబై పోలీసులు పోర్న్ కేసులో అరెస్ట్ చేశారు. విచార‌ణ‌లో పోర్న్ వీడియోల చిత్రీక‌ర‌ణ‌, అప్‌లోడింగ్ త‌దిత‌ర విష‌యాల్లో గెహ‌నా వ‌శిష్ట్ ప్ర‌మేయం ఉంద‌ని తెలుసుకున్న పోలీసులు ఆమెను అరెస్ట్ చేశారు. దాదాపు 87 వీడియోల‌ను గెహ‌నా త‌న సంబంధిత వెబ్‌సైట్స్‌లో ఉంచిన‌ట్లు స‌మాచారం. పోర్న్ వీడియోల‌ను ముంబై మ‌ల‌ద్‌లోని ఓ బంగ్లాలో చిత్రీక‌రిస్తున్న‌ట్లు పోలీసుల‌కు స‌మాచారం రావ‌డంతో పోలీసులు రైడ్ చేసి ఐదుగురిని అరెస్ట్ చేశారు. ఇందులో ఓ మ‌హిళా ఫోటోగ్రాఫ‌ర్‌, గ్రాఫిక్ డిజైన‌ర్‌, ఇద్ద‌రు న‌టులు, లైట్ మ్యాన్ ఉన్నారు. వీరి నుంచి ల్యాప్ టాప్, కెమెరా, ఆరు మొబైల్ ఫోన్లని పోలీసులు స్వాధీనం చేసుకున్నారు. సోమవారం ఈమెకు బెయిల్ దొరికే అవకాశం ఉంది.

ఫిల్మ్ దునియా సినిమాతో న‌టిగా బాలీవుడ్‌లో త‌న కెరీర్‌నుస్టార్ట్ చేసిన గెహ‌నా వ‌శిష్ట్‌.. తెలుగులోనూ సినిమాలు చేసింది. ఆప‌రేష‌న్ ధుర్యోధ‌న చిత్రంలో ఓ ఐటెమ్ సాంగ్ చేశారు. అలాగే, ఆప‌రేష‌న్ ధుర్యోధ‌న 2, ప్రేమించు పెళ్లాడు, బీటెక్ లవ్‌స్టోరి, అనుకున్న‌దొక్క‌టి అయిన‌ది ఒక్క‌టి, 33 ప్రేమ క‌థ‌లు వంటి సినిమాల్లో న‌టించింది.