ఓ హీరో త‌న‌ను పొగ‌డ‌మ‌ని చెబుతున్నాడు. ఇంత‌కు త‌న‌కు తానుగా పొగ‌డ‌మ‌ని కోరుతున్న ఆ హీరో ఎవ‌రో తెలుసా!.. సూర్య‌. తెలుగు, త‌మిళంలో మంచి మార్కెట్ ఉన్న సూర్య ఇప్పుడు మూడు సినిమాల‌ను సిద్ధం చేస్తున్నాడు.

అందులో 'ఎన్‌.జి.కె' మే 31న విడుద‌ల కానుంది. దీనికి సెల్వ రాఘ‌వ‌న్ ద‌ర్శ‌కుడు. అలాగే కె.వి.ఆనంద్ ద‌ర్శ‌క‌త్వంలో 'కాప్పాన్‌' సినిమా ఆగ‌స్ట్‌లో రిలీజ్ కానుంది. ఈ సినిమా చిత్రీక‌ర‌ణ ద‌శ‌లో ఉంది. ఇక సూర్య 38వ చిత్రం సుధా కొంగ‌ర ద‌ర్శ‌క‌త్వంలో తెర‌కెక్కుతోన్న సంగ‌తి తెలిసిందే. తమిళ ఉగాది సంద‌ర్భంగా సూర్య త‌న సినిమా టైటిల్ పోస్టర్‌ను విడుద‌ల చేశారు. 'సురరై పోట్రు' సూర్య 38వ చిత్రం. అంటే 'వీరుడ్ని పొగుడు' అని అర్థం.

ఎయిర్ ద‌క్క‌న్ విమాన స‌ర్వీసుల‌ను ప్రారంభించి పేద‌వాడికి విమాన సౌక‌ర్యాన్ని క‌లిగించిన కెప్టెన్ గోపీనాథ్ బ‌యోపిక్‌గా ఈ సినిమా తెర‌కెక్కనుంది. అప‌ర్ణ బాల‌ముర‌ళి ఈ చిత్రాన్ని నిర్మించ‌నున్నారు. సూర్య త‌న స్వంత నిర్మాణ సంస్థ 2D ఎంట‌ర్‌టైన్‌మెంట్స్ బ్యాన‌ర్‌పై ఈ సినిమాను నిర్మిస్తున్నాడు. జి.వి.ప్ర‌కాష్ ఈ చిత్రానికి సంగీతాన్ని అందిస్తున్నారు.