'మహానటి' రిలీజ్ కోసం ఎదురుచూస్తున్న హీరో
- IndiaGlitz, [Saturday,May 05 2018]
మాలీవుడ్ మెగాస్టార్ మమ్మూట్టి న‌ట‌వారసుడిగా మ‌ల‌యాళ ఫిల్మ్ ఇండస్ట్రీలో అడుగుపెట్టి తనకంటూ ప్రత్యేక స్థానాన్ని సంపాదించుకున్నారు యంగ్ హీరో దుల్కర్ సల్మాన్. మాలీవుడ్, కోలీవుడ్‌లలో సినిమాలు చేసిన ఈ యంగ్ టాలెంటెడ్ హీరో టాలీవుడ్‌లో మాత్రం ఇప్పటి వరకు స్ట్రెయిట్ ఫిల్మ్‌తో అడుగుపెట్టలేదు. ఇంతవరకు ‘100 డేస్ ఆఫ్ లవ్’, ‘ఓకే బంగారం’, ‘హే పిల్లగాడా’ లాంటి అనువాద చిత్రాలతోనే తెలుగు ప్రేక్షకులను పలకరించారు ఈ హీరో.
ఇప్పుడు తొలిసారిగా ‘మహానటి’ సినిమా ద్వారా స్ట్రెయిట్ తెలుగు ఫిల్మ్‌లో నటిస్తున్నారు. మహానటి సావిత్రి బయోపిక్‌గా తెరకెక్కిన ఈ సినిమాలో కీర్తి సురేష్ టైటిల్ రోల్ పోషిస్తుండగా.. సావిత్రి భర్త జెమినీ గణేషన్ పాత్రలో దుల్కర్ సల్మాన్ నటించారు. తాను తెలుగులో తొలిసారిగా నటించడం ఆనందంగా ఉందనీ.. ఈ సినిమా కోసం ఎంతో ఆసక్తిగా ఎదురుచూస్తున్నానని దుల్కర్ తెలిపారు. కాగా.. ఈ సినిమా కోసం తన పాత్రకు తానే డబ్బింగ్ కూడా చెప్పుకున్నారు సల్మాన్. మరి ఇంతవరకు అనువాద చిత్రాలతో అలరించిన ఈ హీరో ఇప్పుడు తొలిసారి స్ట్రెయిట్ తెలుగు ఫిల్మ్‌తో ఏ విధంగా ఆకట్టుకోనున్నారో తెలియాలంటే ఈ నెల 9 వరకు వేచి ఉండాల్సిందే.