సూర్య సినిమాకు సంగీతం అందిస్తున్న హీరో...
- IndiaGlitz, [Tuesday,July 04 2017]
తమిళ స్టార్ హీరో సూర్య ఇప్పుడు విఘ్నేష్ శివ‌న్ దర్శకత్వంలో 'తానా సెంద కూట్టమ్' సినిమాతో బిజీ బిజీగా ఉన్నాడు. ఈ సినిమా చిత్రీక‌ర‌ణ తుది ద‌శ‌కు చేరుకుంది. ఈ సినిమా త‌ర్వాత సూర్య త‌మిళంలో 'ఇరుదు సుట్రు'(హిందీలో 'సాలా ఖ‌దూస్‌') సినిమాను తెర‌కెక్కించి విజ‌యం అందుకున్న లేడీ డైరెక్ట‌ర్ సుధ కొంగ‌ర‌తో సినిమా చేస్తాడ‌ని కోలీవుడ్ వ‌ర్గాలు అంటున్నాయి. రీసెంట్‌గా సూర్య‌ను క‌లిసిన ఈ లేడీ డైరెక్ట‌ర్ చెప్పిన క‌థ సూర్యకు న‌చ్చ‌డంతో సినిమా చేద్దామ‌ని అన్నాడ‌ట.
తానా సెంద కూట్టమ్ పూర్తి కాగానే సుధ కొంగ‌ర సినిమా గురించి ప్ర‌క‌టించే అవ‌కాశం ఉంది. లెటెస్ట్ న్యూస్ ప్ర‌కారం ఈ సినిమాకు మ్యూజిక్ డైరెక్ట‌ర్ క‌మ్ హీరో జి.వి.ప్ర‌కాష్ కుమార్ సంగీతం అందించ‌నున్నాడ‌ట. తెలుగుతో పాటు త‌మిళంలో మంచి మార్కెట్ ఉన్న హీరోస్‌లో సూర్య ఒక‌రు. అందుకే సూర్య యూనివ‌ర్స‌ల్ పాయింట్‌తో సినిమా చేయ‌డానికి ఆస‌క్తి చూపిస్తుంటారు. ఇక సుధ కొంగ‌ర విష‌యానికి వ‌స్తే తొలి సినిమా ఇరుదు సుట్రుని బాక్సింగ్ నేప‌థ్యంలో తెర‌కెక్కించింది. మ‌రిప్పుడు ఈమె ఎలాంటి బ్యాక్‌డ్రాప్‌లో సినిమా చేయ‌నుందో. ఇరుదు సుట్రు చిత్రాన్ని వెంక‌టేష్ హీరోగా గురు పేరుతో తెలుగులో రీమేక్ చేశారు. తెలుగులో కూడా సినిమా మంచి విజ‌యాన్నిసాధించింది.