స్టార్ హీరోల‌కు, అభిమానుల‌కు మ‌ధ్య అనుబంధం బ‌లంగా ఉంటేనే.. హీరోకు మంచి గుర్తింపు ఉంటుంది. క‌ష్ట న‌ష్టాల్లో అభిమానులే హీరోల‌కు అండ‌గా నిల‌బడుతుంటారు. అస‌లు విష‌య‌మేమంటే.. ఇప్పుడు బాల‌య్య‌కు అభిమానులు గుర్తొచ్చిన‌ట్టు ఉన్నారేమో అని కొంద‌రు విసురుకుంటున్నారు. అదేంటి బాల‌య్య‌కు అభిమానులు గుర్తుకు రావ‌డం.. అభిమానులే దేవుళ్ల‌ని అంటుంటాడు క‌దా! అనే సందేహం రావ‌చ్చు.

అయితే, ఈ మ‌ధ్య కొన్ని సంద‌ర్భాల్లో అభిమానులు ద‌గ్గ‌ర‌కు వ‌స్తే.. బాల‌య్య చేతులు, కాళ్లు విసిరిన సంగ‌తి తెలిసిందే. అప్ప‌ట్లో అభిమానులకు కూడా బాల‌య్య అంటే కోపం వ‌చ్చింది. మొత్తానికి ఏదో జ‌రిగింది. ఇప్పుడు బాల‌య్య చేసిన ఎన్టీఆర్ బ‌యోపిక్ `య‌న్‌.టి.ఆర్‌` బాక్సాఫీస్ వద్ద బోల్తా కొట్టింది. బాల‌య్య‌కు కాస్త ఇబ్బందిక‌ర‌మైన ప‌రిస్థితి నెల‌కొంది. ఈ ప‌రిస్థితి నుండి బ‌య‌ట‌కు రావ‌డానికి రెండు తెలుగు రాష్ట్రాల్లో ఫ్యాన్స్ ఆసోసియేష‌న్స్‌తో స్పెష‌ల్ మీటింగ్ పెట్ట‌బోతున్నాడ‌ని సినీ వ‌ర్గాల స‌మాచారం.