కొన్ని ప‌నులు మ‌నం చేస్తున్న‌ప్పుడు ఎగ్జ‌యిటింగ్‌గా ఉంటుంది. త‌ప్పుగా అనిపించ‌వు. తీరా ప్ర‌జ‌ల్లోకి తీసుకెళ్లాక వాళ్ల స్పంద‌న చూసి దిమ్మ‌తిరిగి మైండ్ బ్లాంక్ అవుతుంది. ప్ర‌స్తుతం బెల్లంకొండ సాయి శ్రీనివాస్ ప‌రిస్థితి అలాగే ఉంది. ఆయ‌న థాయ్‌ల్యాండ్‌లో తేజ సినిమా షూటింగ్‌లో ఉన్నారు. అక్క‌డ ఏనుగు దంతాల‌పై కూర్చుని ఆయ‌న ఫొటో తీసుకున్నారు. అంతేగానీ ప్ర‌కృతిలో గొప్ప విష‌యం ఏనుగు అంటూ కామెంట్ కూడా పెట్టారు.

దీన్ని సోష‌ల్ మీడియాలో పోస్ట్ చేసిన‌ప్ప‌టి నుంచీ నెటిజ‌న్లు ఆయ‌న చ‌ర్య‌పై అస‌హ‌నాన్ని వ్య‌క్తం చేస్తున్నారు. అంత క‌నిక‌రం లేకుండా ఏనుగు దంతాల‌పై ఎలా కూర్చున్నావు అని కామెంట్లు పెడుతున్నారు. మ‌రికొంద‌రైతే భూత‌ద‌య ఉండాలి క‌దా అని నేరుగా ముఖం మీదే అంటున్నారు. ఏదో స‌రదాగా పెట్టిన ఫొటో ఇలా ట్రాల్ అవుతుంద‌ని అత‌ను ఊహించి ఉండ‌డు. ఆయ‌న ఈ ఫొటో తీసుకున్న‌ది తేజ ద‌ర్శ‌క‌త్వంలో న‌టిస్తున్న స‌మ‌యంలో. కాజ‌ల్ అగ‌ర్వాల్ ఇందులో నాయిక‌.