సెంటిమెంట్ అనేది సామాన్య జ‌నానికీ ఉంటుంది. అదే సినిమా వాళ్లకు అయితే కాస్త ఎక్కువుగా ఉంటుంది. సినిమా స‌క్సెస్ అయితే నెక్ట్స్ మూవీకి కూడా అదే ఫార్ములాను ఫాలో అవుతుంటారు. ఇప్పుడు నిర్మాత బెల్లంకొండ సురేష్ త‌న‌యుడు బెల్లంకొండ శ్రీనివాస్ చేస్తుంది అదే.. ఫ‌స్ట్ మూవీ అల్లుడు శీను లో త‌మ‌న్నా తో ఓ స్పెష‌ల్ సాంగ్ చేయించారు. ఆ సినిమా మాస్ ఆడియోన్స్ ఆక‌ట్టుకుని దాదాపు ముప్పై కోట్లు వ‌సూలు చేసింది.

ఇప్పుడు భీమ‌నేని శ్రీనివాస‌రావు ద‌ర్శ‌క‌త్వంలో బెల్లంకొండ శ్రీనివాస్ ఓ సినిమా చేస్తున్నారు. ఈ సినిమా దాదాపు పూర్త‌య్యింది. ఈ సినిమాలో కూడా త‌మ‌న్నా తో ఓ స్పెష‌ల్ సాంగ్ చేయిస్తున్నార‌ట‌. కేవలం త‌మ‌న్నా సాంగ్ కే 2 కోట్లు ఖ‌ర్చు పెడుతున్నార‌ట‌. మ‌రి..హిట్ కోసం త‌మ‌న్నాను న‌మ్ముకున్న బెల్లంకొండ శ్రీనివాస్ కి సెంటిమెంట్ క‌లిసోచ్చి సక్సెస్ వ‌స్తుందో..? లేదో..? తెలియాలంటే కొన్ని రోజులు ఆగాల్సిందే.