త్రిష‌కు తెలుగులో మార్కెట్ పెద్ద‌గా లేదుకానీ, త‌మిళంలో మాత్రం త్రిష మంచి జోరుమీదుంది. అందులోనూ ఇటీవ‌ల ఆమె న‌టించిన `96` పెద్ద విజ‌యం సాధించ‌డంతో ఇప్పుడు భామ ముందు సినిమాలే సినిమాలు. అలా వ‌చ్చిందే ర‌జ‌నీకాంత్ హీరోగా కార్తిక్ సుబ్బ‌రాజు దర్శ‌క‌త్వంలో తెర‌కెక్కిన `పేట్ట‌` కూడా అలాంటి సినిమానే. ఈ చిత్రం త‌ర్వాత ఆమె న‌టిస్తోన్న మ‌రో సినిమా `ప‌ర‌మ‌ప‌దం విళ‌యాట్టు`.

ఈ సినిమా ట్రైల‌ర్‌ను శ‌నివారం విడుద‌ల చేయ‌బోతున్నారు. శ‌నివారం ఎందుకు? అని అంటే ఆ రోజు త్రిష పుట్టిన‌రోజు కాబ‌ట్టి. త్రిష పుట్టిన రోజున ఆమెకు బ‌ర్త్ డే గిఫ్ట్ గా ఈ సినిమాను విడుద‌ల చేయ‌డానికి అంగీక‌రించారు విజ‌య్ సేతుప‌తి. ఆ మ‌ధ్య 96 సినిమా విజ‌యోత్స‌వ వేడుక‌లో విజ‌య్ సేతుప‌తికి స్టేజ్ మీద హ‌గ్ ఇచ్చి వారి మ‌ధ్య ఉన్న ఫ్రెండ్‌షిప్‌ను చెప్ప‌క‌నే చెప్పింది త్రిష‌. ఈ తాజా చిత్రంలో ఆమె డాక్ట‌ర్‌గా, ఓ పిల్ల‌కు త‌ల్లిగా న‌టిస్తోంది.