'ప్రేమమ్' రిలీజ్ డేట్
- IndiaGlitz, [Tuesday,July 19 2016]
అక్కినేని నాగచైతన్య హీరోగా చందుమొండేటి దర్శకత్వంలో రూపొందుతోన్న చిత్రం 'ప్రేమమ్'. మలయాళ సినిమాకు రీమేక్ గా రూపొందిన ఈ చిత్రం ప్రస్తుతం నిర్మాణాంతర కార్యక్రమాలను జరుపుకుంటుంది. కార్తికేయ ఫేం చందుమొండేటి దర్శకత్వంలో సితార ఎంట‌ర్ టైన్‌మెంట్స్ బ్యాన‌ర్‌పై ఎస్‌.నాగ‌వంశీ ఈ చిత్రాన్ని నిర్మిస్తుండ‌గా ఇందులో శృతిహాస‌న్‌, అనుప‌మ ప‌ర‌మేశ్వ‌ర‌న్‌, మ‌డోన్నా సెబాస్టియ‌న్ హీరోయిన్స్ గా న‌టిస్తున్నారు.
ఈ సినిమాను ముందుగా ఆగ‌స్ట్ 12న విడుద‌ల చేస్తార‌ని వార్త‌లు వ‌చ్చాయి. అయితే క‌బాలి పోస్ట్ పోన్ కావ‌డం, అలాగే జ‌న‌తాగ్యారేజ్ వంటి చిత్రాలు కూడా వెన‌క్కి వెళ్ల‌డం ద‌రిమిలా ఈ చిత్రాన్ని తాజా స‌మాచారం ప్ర‌కారం సెప్టెంబ‌ర్ 9న విడుద‌ల చేయాల‌ని నిర్మాత‌లు భావిస్తున్నార‌ట. ఎప్పుడో వేస‌వికి రావాల్సిన చైతు సినిమా వాయిదాలు పడుతూ సెప్టెంబ‌ర్ రిలీజ్‌కు చేరింది.