டிசம்பர் 21ஆம் தேதி வெளிவரவுள்ள ஐந்து முக்கிய படங்களில் ஒன்று 'அடங்கமறு'. இந்த போட்டியிலும் தைரியமாக ஒரு படம் வெளிவருகிறது என்றால் படக்குழுவினர்களுக்கு தங்கள் படைப்பின் மீது இருக்கும் நம்பிக்கையே காரணம். அந்த நம்பிக்கை சற்றுமுன் வெளியான இந்த படத்தின் ஆறு நிமிட காட்சியில் தெரிகிறது.

போலீசை மதிக்காமல் எகிறும் வில்லன், முறைக்கும் ஜெயம்ரவியின் பார்வை, அழகம்பெருமாளின் சமாதானம், அதன்பின் ஜெயம் ரவி வில்லனை ஜிபிஎஸ் மூலம் டிராக் செய்து, இருப்பிடத்தை கண்டுபிடிப்பது, சிசிடிவி கேமிராவை செயலிழக்க செய்வது என முழுக்க முழுக்க டெக்னாலஜி கலந்த ஆக்சன் காட்சிகளும், அதற்கான பின்னணி இசையும் பிரமிக்க வைக்கின்றன. இந்த ஆறு நிமிட காட்சியில் இருந்தே கிறிஸ்துமஸ் ரேஸில் 'அடங்கமறு' வெற்றி பெறுவது உறுதி என தெரிகிறது.

ஜெயம் ரவி, ராஷி கண்ணா, சுரேஷ் மேனன், பொன்வண்ணன், சம்பத்ராஜ், அழகம்பெருமாள், பூர்ணா உள்பட பலர் நடித்துள்ள 'அடங்க மறு' திரைப்படத்தை கார்த்திக் தங்கவேல் இயக்கியுளார்.இந்த படத்திற்கு சாம் சிஎஸ் இசையமைத்துள்ளார்.