క‌ళ్యాణ్ రామ్ - పూరి మూవీ డీటైల్స్..
- IndiaGlitz, [Tuesday,June 14 2016]
నంద‌మూరి క‌ళ్యాణ్ రామ్ హీరోగా పూరి జ‌గ‌న్నాథ్ ద‌ర్శ‌క‌త్వంలో రూపొందుతున్న చిత్రం శ‌ర‌వేగంగా షూటింగ్ జ‌రుపుకుంటుంది. ఈ చిత్రంలో క‌ళ్యాణ్ రామ్ స‌ర‌స‌న అదితి ఆర్య హీరోయిన్ గా న‌టిస్తుంది. ఎన్టీఆర్ ఆర్ట్స్ బ్యాన‌ర్ పై క‌ళ్యాణ్ రామ్ నిర్మిస్తున్న ఈ చిత్రం ప్ర‌స్తుతం హైద‌రాబాద్ నాన‌క్ రామ్ గూడ‌లో ప్ర‌త్యేకంగా వేసిన సెట్ లో షూటింగ్ జ‌రుపుకుంటుంది.
ఈ నెలాఖ‌రు వ‌ర‌కు హైద‌రాబాద్ లో షూటింగ్ చేసి జులై 1 నుంచి స్పెయిన్ లో నెల రోజుల పాటు షూటింగ్ చేయ‌నున్నారు. ఈ చిత్రంలో జ‌గ‌ప‌తి బాబు కీల‌క పాత్ర పోషిస్తుండ‌గా.. క‌ళ్యాణ్ రామ్ న్యూలుక్ లో ప‌వ‌ర్ ఫుల్ జ‌ర్న‌లిస్ట్ గా క‌నిపించ‌నున్నారు. విభిన్న క‌థా చిత్రంగా రూపొందుతున్న ఈ చిత్రాన్ని ద‌స‌రా కానుక‌గా రిలీజ్ చేయ‌డానికి ప్లాన్ చేస్తున్నారు.