'హలో గురు ప్రేమ కోసమే' సంగీత దర్శకుడు ఎవ‌రంటే..
- IndiaGlitz, [Friday,May 18 2018]
రామ్, అనుపమ పరమేశ్వరన్, ప్రణీత హీరోహీరోయిన్లుగా నటిస్తున్న చిత్రం ‘హలో గురు ప్రేమ కోసమే’. ‘నేను లోకల్’ లాంటి హిట్ మూవీని తెరకెక్కించిన త్రినాథరావు నక్కిన ఈ సినిమాకి దర్శకత్వం వహిస్తున్నారు. ప్రకాష్ రాజ్ ఓ కీలక పాత్రను పోషిస్తున్న ఈ రొమాంటిక్ ఎంటర్‌టైనర్‌ను ప్ర‌ముఖ నిర్మాత దిల్ రాజు నిర్మిస్తున్నారు. ప్ర‌స్తుతం ఈ సినిమాకి సంబంధించిన చిత్రీక‌ర‌ణ శ‌ర‌వేగంగా జ‌రుగుతోంది.
ఇదిలా ఉంటే.. ఈ సినిమాకి యువ సంగీత సంచ‌ల‌నం దేవిశ్రీ ప్ర‌సాద్ సంగీత‌మందించ‌నున్నాడ‌ని ఆ మ‌ధ్య వార్త‌లు వినిపించాయి. తాజా స‌మాచారం ప్రకారం.. త‌మ‌న్ సంగీత ద‌ర్శ‌కుడిగా ఎంపిక‌య్యాడ‌ని తెలిసింది. ఇప్ప‌టికే రామ్, త‌మ‌న్ కాంబినేష‌న్‌లో ‘కందిరీగ’, 'మ‌సాలా', 'పండ‌గ చేస్కో' చిత్రాలు రాగా.. వీటిలో 'కందిరీగ' మాత్ర‌మే విజ‌యం సాధించింది. కాగా.. త‌మ‌న్ ఎంట్రీపై అధికారిక ప్ర‌క‌టన రావాల్సి ఉంది. తాజా స‌మాచారం ప్రకారం.. ఈ సినిమాని సెప్టెంబర్ నెలలో విడుదల చేయడానికి నిర్మాత ప్లాన్ చేస్తున్నారు.