హాలీవుడ్ సినిమా ఆధారంగా 'హ‌లో'?
- IndiaGlitz, [Wednesday,December 20 2017]
అక్కినేని అఖిల్ రీ లాంచ్ మూవీగా తెర‌కెక్కిన చిత్రం హ‌లో. ఇష్క్‌, మ‌నం, 24.. ఇలా వ‌రుస విజ‌యాల‌తో దూసుకుపోతున్న డిఫ‌రెంట్ చిత్రాల దర్శకుడు విక్ర‌మ్ కె.కుమార్ ఈ చిత్రాన్ని రూపొందించారు. ప్ర‌ముఖ దర్శకుడు ప్రియ‌ద‌ర్శ‌న్ కుమార్తె క‌ల్యాణి ప్రియ‌ద‌ర్శ‌న్ ఈ చిత్రం ద్వారా క‌థానాయిక‌గా ప‌రిచ‌య‌మ‌వుతోంది.
అక్కినేని నాగార్జున నిర్మించిన ఈ చిత్రంతో సంగీత దర్శకుడు అనూప్ రూబెన్స్ 50 చిత్రాల‌ని పూర్తిచేసుకుంటున్నాడు. ఇదిలా ఉంటే.. చిన్న‌ప్పుడే దూర‌మైన త‌న సోల్‌మేట్‌ని క‌లుసుకునేందుకు క‌థానాయ‌కుడు చేసే ప్ర‌య‌త్నాల స‌మాహారంగా హ‌లో రూపొందిన సంగ‌తి తెలిసిందే.
అయితే తాజాగా వినిపిస్తున్న క‌థ‌నాల ప్ర‌కారం.. ఈ సినిమా 2004లో వ‌చ్చిన అమెరిక‌న్ యాక్ష‌న్ క్రైమ్ థ్రిల్ల‌ర్ సెల్యూల‌ర్ ఆధారంగా తెర‌కెక్కింద‌ని గాసిప్స్ వినిపిస్తున్నాయి.
మ‌రి ఈ వార్త‌ల్లో ఎంత నిజ‌ముందో.. మ‌రో రెండు రోజుల్లో తెలుస్తుంది. ఈ నెల 22న రానున్న హ‌లో సినిమాపై అక్కినేని అభిమానుల్లో మంచి అంచ‌నాలే ఉన్నాయి.