சமீபத்தில் ஹெலிகாப்டர் விபத்தில் படுகாயமடைந்து உயிர் தப்பிய விமானப்படை கேப்டன் வருணசிங் அவர்கள் சற்றுமுன்னர் காலமானதாக அறிவிக்கப்பட்டுள்ளது பெரும் அதிர்ச்சியை ஏற்படுத்தி உள்ளது.

கடந்த சில நாட்களுக்கு முன்னர் இந்திய விமானப் விமானப்படைக்கு சொந்தமான ஹெலிகாப்டர் ஒன்று விபத்துக்குள்ளானதில் முப்படை தளபதி பிபின் ராவத், அவரது மனைவி உள்பட 14 பேர் பயணம் செய்தனர். இந்த ஹெலிகாப்டர் தரை இறங்குவதற்கு சில நிமிடங்களுக்கு முன்னர் விபத்துக்குள்ளானது என்பதும் இந்த விபத்தில் தலைமை தளபதி பிபின் ராவத், அவரது மனைவி உள்பட 13 பேர் சம்பவ இடத்திலேயே பலியாகினர் என்பதும் விமானப்படை கேப்டன் வருண்சிங் மட்டும் படுகாயங்களுடன் மீட்கப்பட்டு மருத்துவமனையில் சிகிச்சை பெற்று வந்தார் என்பதும் குறிப்பிடத்தக்கது.

இந்த நிலையில் கடந்த 2 நாட்களாக கேப்டன் வருண் சிங் உடல்நிலை கவலைக்கிடமாக இருப்பதாக மருத்துவமனையில் இருந்து தகவல் வந்த நிலையில் சற்று முன்னர் அவர் காலமானார் என அறிவிக்கப்பட்டுள்ளது. இதனால் இந்தியாவே சோகத்தில் மூழ்கி உள்ளது என்பது குறிப்பிடத்தக்கது.