‘కుమారి 21 ఎఫ్‌’ సూప‌ర్‌హిట్ కావ‌డంలో త‌న‌దైన పాత్ర‌ను పోషించిన హీరోయిన్ హెబ్బా ప‌టేల్‌.. త‌ర్వాత వ‌రుస‌గా ఈడోరకం ఆడోరకం, ఎక్కడికి పోతావు చిన్నవాడా వంటి సినిమాలతో పాటు కొన్ని అవ‌కాశాల‌ను అందిపుచ్చుకున్న‌ప్ప‌టికీ సక్సెస్‌ను కంటిన్యూ చేయ‌డంలో మాత్రం ఫెయిల‌య్యింద‌నే చెప్పాలి. ఇక కెరీర్ అయిపోయినట్టే అని అనుకుంటున్న తరుణంలో రీసెంట్‌గా.. రామ్ హీరోగా చేసిన రెడ్ చిత్రంలో ఓ ఐటెమ్ సాంగ్‌లో మెరిసింది హెబ్బా ప‌టేల్‌. అలాగే సంప‌త్ నంది నిర్మాణంలో రూపొందుతోన్న ఓదెల రైల్వే స్టేష‌న్‌లోనూ విలేజ్ క్యారెక్ట‌ర్‌ను చేస్తోంది హెబ్బా ప‌టేల్‌. ఇప్పుడిప్పుడే నెమ్మ‌దిగా అవ‌కాశాల‌ను అందుకుంటూ కెరీర్ స్పీడ్ పెంచుకునే క్ర‌మంలో ఉంది హెబ్బా పటేల్.

ఈ క్ర‌మంలో లేటెస్ట్ సినీ వ‌ర్గాల స‌మాచారం మేర‌కు.. మూగ‌, చెవిటి అమ్మాయి పాత్ర‌లో హెబ్బా ప‌టేల్ న‌టించ‌డానికి ఒప్పుకుంద‌ని వార్త‌లు వినిపిస్తున్నాయి. లేడీ ఓరియెంటెడ్ మూవీగా సినిమా తెర‌కెక్క‌నుంద‌ట‌. వి.వి.వినాయ‌క్ ద‌గ్గ‌ర దర్శ‌క‌త్వ శాఖ‌లో ప‌నిచేసే ఓ అసిస్టెంట్ డైరెక్ట‌ర్ ఈ సినిమాతో ద‌ర్శ‌కుడిగా ప‌రిచ‌యం అవుతున్నాడ‌ట‌. త్వ‌ర‌లోనే ఈ సినిమాకు సంబంధించిన అధికారిక ప్ర‌క‌ట‌న వెలువ‌డుతుంద‌ని స‌మాచారం.