ప్రేమకథకు ఓకే చెప్పిన హేబా...
- IndiaGlitz, [Tuesday,March 01 2016]
కుమారి 21 ఎఫ్ చిత్రంతో టాలీవుడ్ యూత్ కు దగ్గరైన హీరోయిన్ హేబాపటేల్ ఇప్పుడు విష్ణు హీరోగా, నిర్మాతగా రూపొందిస్తున్న చిత్రంలో రాజ్ తరుణ్ సరసన మరోసారి నటిస్తుంది. ఈ అమ్మడు ఎన్టీఆర్ జనతాగ్యారేజ్ చిత్రంలో కూడా నటిస్తుందని వార్తలు వినపడుతున్నాయి. అలాగే లెటెస్ట్ న్యూస్ ప్రకారం మరో ప్రేమకథాచిత్రంలో నటించడానికి రెడీ అయ్యింది. ఈచిత్రానికి వి.వి.వినాయక్ శిష్యుడు భాస్కర్ దర్శకత్వం వహిస్తాడని సమాచారం. ప్రస్తుతం సినిమాలో హీరో కోసం యూనిట్ వెతులాట ప్రారంభించిందని విశ్వసనీయవర్గాల సమాచారం. బెక్కం వేణుగోపాల్ ఈ చిత్రాన్ని నిర్మించనున్నాడట. త్వరలోనే సినిమా సెట్స్ లోకి వెళుతుందని సమాచారం.