சென்னை உள்பட தமிழகத்தின் பல்வேறு மாவட்டங்களில் நேற்று இரவு முதல் பலத்த மழை பெய்து வருகிறது. இந்த நிலையில் ஒருசில மாவட்டங்களுக்கு பள்ளி விடுமுறை குறித்த அறிவிப்பு வெளிவந்துள்ளது.

சேலம் மாவட்டத்தில் பள்ளிகளுக்கு இன்று விடுமுறை என்று அறிவிக்கப்பட்டுள்ள நிலையில் கடலூரில் பள்ளிகளுக்கு விடுமுறை அளிப்பது குறித்து அந்தந்த பள்ளியின் தலைமை ஆசிரியர் முடிவு செய்து கொள்ளலாம் என கடலூர் ஆட்சியர் அன்புச்செல்வன் அறிவிப்பு செய்துள்ளார். மேலும் திருவாரூர், புதுக்கோட்டை மாவட்டங்களில் உள்ள பள்ளிகளுக்கும் விடுமுறை என சற்றுமுன் அறிவிக்கப்பட்டுள்ளது. திருவாரூர் மாவட்டத்தில் பள்ளிகள் விடுமுறை என்றாலும் ஆசிரியர்கள் அனைவரும் பள்ளிகளுக்கு சென்று இதர பணிகளை மேற்கொள்ள வேண்டும் என அம்மாவட்ட ஆட்சி தலைவர் அறிவுறுத்தியுள்ளார்.

சென்னையில் நேற்று இரவு பல பகுதிகளில் நல்ல மழை பெய்துள்ளது. குறிப்பாக ஈ.சி.ஆர். சாலை, பெசன்ட் நகர், மெரினா கடற்கரை, ராயப்பேட்டை, அண்ணா நகர், தேனாம்பேட்டை ஆகிய பகுதிகளில் கனமழை பெய்துள்ளது. இருப்பினும் சென்னையில் பள்ளி விடுமுறை குறித்த எந்த தகவலும் வெளிவரவில்லை என்பது குறிப்பிடத்தக்கது.