ఫేస్‌బుక్ స్నేహానికి అత్యంత విలువ ఇచ్చాడు. కర్ణాటక నుంచి కేరళకు ఫేస్‌బుక్ స్నేహితుడిని కలిసేందుకు వెళ్లాడు. సరదాగా స్నేహితుడు కోరడంతో 100 రూపాయలు పెట్టి లాటరీ కొన్నాడు. అదృష్టం కలిసొచ్చింది. కొన్ని గంటల్లోనే కోటి రూపాయ లాటరీ తగిలింది. అంతే అతడి ఆనందానికి అవధుల్లేకుండా పోయాయి. నిజమా.. కలా? అనేది కూడా నమ్మశక్యం కానంత ట్రాన్స్‌లోకి వెళ్లిపోయాడు. సరదాగా స్నేహితుడిని కలవడానికి వెళ్లి కోటీశ్వరుడిగా తిరిగొచ్చాడు.

కర్ణాటక రాష్ట్రంలోని మండ్యకు చెందిన సోహన్ బలరాం అనే వ్యక్తి తన ఫేస్‌బుక్ మిత్రుడిని కలిసేందుకు శనివారం కేరళకు వెళ్లాడు. అయితే కేరళ నుంచి తిరిగి వచ్చేటప్పుడు సోహన్ స్నేహితుడు అతడిని లారీ టికెట్ కొనగోలు చేయాలని బలవంతం చేశారు. స్నేహితుడి మాటను కాదనలేక సోహన్ పుత్తనథని నగరంలోని ఓ దుకాణంలో భాగ్యధార లాటరీని 100 రూపాయలు పెట్టి కొనుగోలు చేశాడు. అంతే కొద్ది గంటల్లోనే కోటి రూపాయల లాటరీ సోహన్‌ను వరించింది. దీంతో సోహన్ ఆనందానికి అవధుల్లేకుండా పోయాయి.