అన్నీ సిద్ధం చేసుకుంటున్నాడు...
- IndiaGlitz, [Thursday,June 01 2017]
విల‌క్ష‌ణ‌మైన ప్రేమ‌క‌థ‌లు, యాక్ష‌న్ చిత్రాల‌ను తెర‌కెక్కించే దర్శకుడు గౌతమ్‌మీన‌న్ నాలుగు భాష‌ల్లో నలుగురు హీరోల‌తో ఓ మ‌ల్టీస్టార‌ర్ తీయ‌నున్నాడ‌నే సంగతి తెలిసిందే. నాగ‌చైత‌న్య, పృథ్వీరాజ్‌, పునీత్ రాజ్‌కుమార్‌లు అల్రెడి సినిమాలో న‌టించ‌డానికి ఓకే చెప్పేశారు. అలాగే హీరోయిన్స్ విష‌యానికి వ‌స్తే, అనుష్క, త‌మ‌న్నాలు కూడా గ్రీన్‌సిగ్న‌ల్ ఇచ్చేశారు.
ఇక త‌మిళం నుండి శింబు న‌టించాల్సి ఉంది. అత‌ని స‌మ్మ‌తి కోసం వెయిట్ చేస్తున్నారు. అలాగే మ‌రో హీరోయిన్‌గా మంజిమ మోహ‌న్ లేదా నివేదా థామ‌స్ కానీ న‌టించ‌నుంది. ఓ నలుగురు స్నేహితులు ఓ పెళ్ళికి వెళ్ళి అటు నుండే అడ్వెంచ‌ర్ ట్రిప్‌కు వెళ్ళిన‌ప్పుడు ఏం జ‌రిగింద‌నేదే క‌థ. సాధార‌ణంగా సినిమా ప్రారంభం అయ్యాక కానీ గౌత‌మ్ మీన‌న్ తన క‌థ‌కు స్క్రిప్ట్‌ను సిద్ధం చేసుకోడు కానీ ఈ సినిమా విష‌యంలో మాత్రం అల్రెడి మొత్తం స్క్రిప్ట్ సిద్ధ‌మైపోయింద‌ట. అన్నీ అనుకున్న‌ట్లు కుదిరితే త్వరలోనే సినిమా ప‌ట్టాలెక్కుతుంద‌న్న‌మాట.