మెగా ప‌వ‌ర్ స్టార్ రామ్ చ‌ర‌ణ్ న‌టిస్తున్న ధృవ చిత్రం శ‌ర‌వేగంగా షూటింగ్ జ‌రుపుకుంటుంది. ఈ చిత్రం త‌ర్వాత చ‌ర‌ణ్ సుకుమార్ తో సినిమా చేయ‌నున్నారు. ఈ చిత్రాన్ని న‌వంబ‌ర్ లో ప్రారంభించేందుకు ప్లాన్ చేస్తున్నారు. ఇదిలా ఉంటే..రామ్ చ‌ర‌ణ్ క్రియేటివ్ డైరెక్ట‌ర్ కృష్ణ‌వంశీతో ఓ సినిమా చేయ‌నున్న‌ట్టు ప్ర‌చారం జ‌రుగుతుంది.

చ‌ర‌ణ్ - కృష్ణ‌వంశీ కాంబినేష‌న్లో రూపొందిన గోవిందుడు అంద‌రివాడేలే చిత్రం ఆశించిన స్ధాయిలో విజ‌యం సాధించ‌క‌పోయినా మంచి చిత్రంగా నిలిచింది. చ‌ర‌ణ్ కూడా త‌న‌కు న‌చ్చిన చిత్రాల్లో గోవిందుడు అంద‌రివాడేలే ఒక‌టి అని చెప్పారు. అయితే...ఇటీవ‌ల చిరంజీవి కృష్ణ‌వంశీతో చ‌ర‌ణ్ తో మ‌రో సినిమా చేయ‌మ‌ని చెప్పార‌ని...దానికి కృష్ణ‌వంశీ కూడా ఓకే చెప్పార‌ని టాక్. సుకుమార్ సినిమా త‌ర్వాత చ‌ర‌ణ్ కృష్ణ‌వంశీ తో సినిమా చేసే అవ‌కాశం ఉంది అంటున్నారు.ఇదే క‌నుక నిజ‌మైతే...ఈసారి చ‌ర‌ణ్ ని కృష్ణ‌వంశీ ఎలా చూపిస్తారో చూడాలి..!