ఏంటీ... విజ‌య‌శాంతి అంత అడిగిందా?
- IndiaGlitz, [Friday,May 17 2019]
ఏంటీ... నిజ‌మేనా? విజ‌య‌శాంతి అంత అడిగిందా? అని ఫిల్మ్ న‌గ‌ర్ జ‌నాలు నోళ్లు నొక్కుకుంటున్నారు. ఇంత‌కీ ఏ విష‌యంలో విజ‌య‌శాంతి అంత అడిగింద‌నేగా అనుమానం. ఆమె అడిగింది రూ.5కోట్లు. మ‌హేష్ హీరోగా న‌టించే సినిమా కోసం. మ‌హేష్ హీరోగా, అనిల్ రావిపూడి ద‌ర్శ‌క‌త్వంలో అనిల్ సుంక‌ర, దిల్‌రాజు క‌లిసి ఓ సినిమాను నిర్మిస్తున్న సంగతి తెలిసిందే.
ఇందులో అత్త‌గా న‌టించ‌మ‌ని విజ‌య‌శాంతిని సంప్ర‌దించార‌ట. ఆమెకు కూడా పాత్ర న‌చ్చ‌డంతో ఇనిషియ‌ల్‌గా ఓకే చెప్పింద‌ట. కానీ ఆమె కోట్ చేసిన రూ.5కోట్లు అమౌంట్ విన్న నిర్మాత‌లు ఇప్పుడేం చెప్పాలోన‌ని ఆలోచిస్తున్నార‌ట.
మ‌హేష్ ఇప్పుడు 'మ‌హ‌ర్షి' క‌లెక్ష‌న్ల వ‌ర్షంలో త‌డుస్తున్నారు. కాస్త సేద‌దీరి జులైలో సినిమాను మొద‌లుపెడ‌తారు. ర‌ష్మిక హీరోయిన్‌గా న‌టించ‌నుంది. జ‌గ‌ప‌తిబాబు, రాజేంద్ర‌ప్ర‌సాద్‌, బండ్ల గ‌ణేష్ కీల‌క పాత్ర‌ల్లో క‌నిపిస్తారు. వ‌చ్చే సంక్రాంతికి సినిమాను విడుద‌ల చేయాల‌న్న‌ది అనిల్ రావిపూడి ప్లాన్‌. ఫుల్ అండ్ ఫుల్ ఎంట‌ర్‌టైనింగ్ వేలో సాగే స‌బ్జెక్ట్ అని మ‌హేష్ స్వ‌యంగా చెప్పారు.