దిల్‌రాజుకు విజ‌య్ షాకిచ్చాడా?
- IndiaGlitz, [Monday,January 28 2019]
హిట్ చిత్రాల నిర్మాత‌గా పేరున్న దిల్‌రాజు మీడియం బ‌డ్జెట్ చిత్రాల‌తో పాటు స్టార్ హీరోల సినిమాలను కూడా నిర్మిస్తుంటాడు. ఈ ఏడాది సంక్రాంతికి కూడా 'ఎఫ్‌2'తో చాలా పెద్ద హిట్‌ను సొంతం చేసుకున్నాడు దిల్‌రాజు. ఈయ‌న బ్యాన‌ర్‌లో ప‌నిచేయాల‌ని కుర్ర హీరోలంద‌రూ ఆస‌క్తి చూపుతుంటారు.
రీసెంట్‌గా దిల్‌రాజు.. విజ‌య్ దేవ‌ర‌కొండ‌ను క‌లిసి సినిమా చేయ‌మ‌ని అడిగితే.. ఆ హీరో దిల్‌రాజుని ప‌దికోట్ల రూపాయ‌ల రెమ్యున‌రేష‌న్ అడిగి షాకిచ్చాడ‌ట. అన‌తి కాలంలో స్టార్ హీరోల రేంజ్‌కు చేరిన విజ‌య్ దేవ‌ర‌కొండ అంత మొత్తంలో డిమాండ్ చేయ‌డం దిల్‌రాజుకి మింగుప‌డ‌లేద‌ని ఫిలింన‌గ‌ర్ వ‌ర్గాల క‌థ‌నం. ప్ర‌స్తుతం విజ‌య్ దేవ‌ర‌కొండ.. భ‌ర‌త్ క‌మ్మ ద‌ర్శ‌క‌త్వంలో డియ‌ర్ కామ్రేడ్ సినిమా చేస్తున్నాడు. దీని త‌ర్వాత క్రాంతి మాధ‌వ్ ద‌ర్శ‌క‌త్వంలో ఓ సినిమా చేయ‌బోతున్నాడు.