విజ‌య్ దేవ‌ర‌కొండ ఇప్పుడు టాలీవుడ్‌లో మోస్ట్ వాంటెడ్ హీరో. త‌ను ఏ సినిమా అయినా నాలుగు భాష‌ల్లో విడుద‌ల చేసేలానే ప్లాన్ చేసుకుంటున్నాడు. అందులో భాగంగానే `డియ‌ర్ కామ్రేడ్‌` చిత్రాన్ని తెలుగు, త‌మిళ‌, క‌న్న‌డ‌, మ‌ల‌యాళ భాష‌ల్లో విడుద‌ల చేస్తున్నారు. కాగా.. త‌దుప‌రి చిత్రం `హీరో`ను కూడా ద‌క్షిణాది భాష‌ల్లో విడుద‌ల చేయాల‌నుకున్నారు. ఆనంద్ అన్నామ‌లై డైరెక్ష‌న్‌లో `హీరో` సినిమా షూటింగ్ స్టార్ట్ అయ్యింది.

ఇప్ప‌టి వర‌కు రూ.15 కోట్లు ఖ‌ర్చు పెట్టారు నిర్మాత‌లు. అయితే ఔట్‌పుట్ బాగా లేద‌ని వారు అభిప్రాయానికి వచ్చారు. ఇంత పెద్ద భారీ ప్రాజెక్ట్‌ను ఆనంద్ అన్నామ‌లై హ్యాండిల్ చేయ‌లేడ‌ని భావించి. సినిమా ఆపుచేశార‌ని వార్త‌లు విన‌ప‌డుతున్నాయి. మ‌రి ఈ వార్త‌ల‌పై హీరో విజ‌య‌దేవ‌ర‌కొండ, మైత్రీ సంస్థ ఎలా స్పందింస్తారో వేచి చూడాలి.