మహేశ్కు త్రివిక్రమ్ కథ చెప్పేశాడా..!?
- IndiaGlitz, [Sunday,May 05 2019]
సూపర్‌స్టార్ మహేశ్ బాబు, పూజా హెగ్దే నటీనటులుగా వంశీ పైడిపల్లి తెరకెక్కించిన చిత్రం ‘మహర్షి’. మే-09న థియేటర్లలోకి మహర్షి రానున్నాడు. అయితే ఇప్పటికే ప్రీరిలీజ్ ఈవెంట్, స్పెషల్ ఇంటర్వ్యూలు, మీడియాతో చిట్ చాట్ ఇలా మూవీ ప్రమోషన్‌లో చిత్రబృందం నిమగ్నమైంది. అయితే ప్రిరిలీజ్ ఈవెంట్ మొదలుకుని ఇంటర్వ్యూల వరకు కామన్ పాయింట్ ఒకటే వాట్ నెక్స్ట్.. సూపర్‌స్టార్ ఎవరెవరితో సినిమా చేయబోతున్నారు..? మహేశ్ కోసం క్యూలో ఉండే డైరెక్టర్స్ ఎవరు..? త్రివిక్రమ్‌తో సినిమా ఉంటుందా లేకుంటే సుకుమార్‌తో సినిమా ఉంటుందా...? ఈ ఇద్దరు కాకుండా రాజమౌళితో సినిమా ఉంటుందా..? ప్రతీ చోట పదేపదే మహేశ్కు ఇవే ప్రశ్నలు ఎదురవుతున్నాయి.
అయితే ఈ ప్రశ్నలంటికీ మహేశ్ సున్నితంగా సమాధానం చెప్పేస్తున్నారు. అయితే ఇప్పటికే త్రివిక్రమ్‌తో ‘ఒక్కడు’, ‘ఖలేజా’లాంటి సినిమాలు తీసి రికార్డులు బ్రేక్ చేశారు. అయితే ఈ మరోసారి ఈ కాంబోలో వచ్చే హ్యాట్రిక్ మూవీ కోసం అటు అభిమానులు, సినీ ప్రియులు వేచి చూస్తున్నారు. ప్రస్తుతం అల్లు అర్జున్‌తో ఒక సినిమా చేస్తున్న త్రివిక్రమ్ ఇది అయిపోగానే మహేష్‌తోనే సినిమా ఉంటుందని విశ్వసనీయ వర్గాల సమాచారం. అంతేకాదు ఈ మ‌ధ్య వీరిద్దరూ క‌ల‌సి ఓ వాణిజ్య ప్రక‌ట‌న చేసిన సంగతి తెలిసిందే. ఆ టైమ్‌లో మూడో సినిమా గురించి చ‌ర్చకు వ‌చ్చిన‌ట్టు సమాచారం. త్రివిక్రమ్‌కు ఓ లైన్ చెప్పగా మ‌హేష్‌ ఫిదా అయ్యారని.. త్వరలోనే షూటింగ్ ప్రారంభిచ్చేద్దాం అని మాటల మాంత్రికుడికి మాటిచ్చేశారట. సో.. అనిల్ రావిపూడితో సినిమా పూర్తవ్వగానే.. త్రివిక్రమ్‌తో సినిమా ఉంటుందన్న మాట. ఈ హ్యాట్రిక్ మూవీ ఎలా ఉంటుందో... ఎప్పుడు రిలీజ్ అవుతుందో తెలియాంటే పూర్తి వివరాలు తెలిసే వరకు వేచి చూడాల్సిందే మరి.