పూజా హెగ్డే ఈ మ‌ధ్య `మ‌హ‌ర్షి` స్టేజ్ మీద దేవిశ్రీ ప్ర‌సాద్ ను ఉద్దేశించి `నేను చేసే తెలుగు సినిమాల‌కు, నువ్వే సంగీతం అందిస్తావు దేవీ. ఇక‌పై నీ సంగీతంలోనూ నాకు అవ‌కాశం ఇద్దువుగానీ` అని అనేసింది. ఇప్పుడు వ‌రుణ్‌తేజ్ న‌టిస్తున్న `వాల్మీకి`కి దేవీ సంగీతాన్ని అందిస్తున్నారు. ఈ సినిమా కోసం పూజా డేట్లు లాక్ చేశాడ‌ట హ‌రీష్ శంక‌ర్‌. హ‌రీష్‌తో పూజాకు ఇంత‌కు ముందే `డీజే దువ్వాడ జ‌గ‌న్నాథ‌మ్‌` చేసిన అనుబంధం ఉంది.

ఆమె ప్రొఫెష‌న‌లిజ‌మ్ తెలుసు కాబ‌ట్టే వాల్మీకిలో 15 రోజుల పాత్ర కోసం ఆమెను సంప్ర‌దించార‌ట హ‌రీష్‌. ఈ సినిమాకు ఆమె ఏకంగా రూ.2కోట్ల‌ను డిమాండ్ చేసింద‌ని, అయినా ఆమెకు అంత మొత్తాన్ని ఇవ్వ‌డానికి నిర్మాత‌లు 14 రీల్స్ ప్ల‌స్ వారు అంగీక‌రించార‌ని స‌మాచారం. వ‌రుణ్‌తేజ్ స‌ర‌స‌న పూజా `ముకుంద‌` చిత్రాన్ని చేసిన సంగ‌తి తెలిసిందే.