బోయ‌పాటికి హీరో దొరికాడా?
- IndiaGlitz, [Tuesday,July 30 2019]
మాస్ డైరెక్ట‌ర్‌గా పేరు తెచ్చుకున్న బోయ‌పాటిశ్రీను ప‌రిస్థితి ఇప్పుడు కాస్త ఇబ్బందిగానే త‌యారైంది. ఎందుకంటే.. 'విన‌య‌విధేయ‌రామ' ప్లాప్ కావ‌డంతో బోయ‌పాటితో సినిమా చేయ‌డానికి ఎవ‌రూ ఆస‌క్తి చూప‌డం లేదు. బాల‌కృష్ణతో చేయాల్సిన సినిమా ఇప్ప‌ట్లో అయ్యేలా లేదు. ఈ గ్యాప్‌లో బోయపాటి మరో సినిమా చేయాల‌నుకుంటున్నాడు. అయితే ఏ హీరో కూడా డేట్స్ ఇవ్వ‌డం లేదు. అల్లు అర‌వింద్ నిర్మాణంలో అల్లు అర్జున్ హీరోగా ఓ సినిమా ఉంటుంద‌ని వార్త‌లు వినిపించాయి.
కానీ.. అవేవీ ఇప్ప‌ట్లో ట్రాక్ ఎక్కేలా లేదు. దీంతో క‌ర్ణాట‌క మాజీ ముఖ్యమంత్రి కుమార‌స్వామి త‌న‌యుడు నిఖిల్ గౌడతో బోయపాటి ఓ సినిమా చేయ‌బోతున్నాడ‌ట. జాగ్వార్ సినిమాతో తెలుగు ప్రేక్ష‌కుల‌ను ప‌ల‌క‌రించిన నిఖిల్ గౌడ మరో సినిమాతో తెలుగు ప్రేక్ష‌కుల‌ను ఆక‌ట్టుకోవాల‌నుకుంటున్నాడని వార్త‌లు విన‌ప‌డుతున్నాయి.