சூப்பர் ஸ்டார் ரஜினிகாந்த் நடித்த 'பேட்ட' திரைப்படம் வரும் 10ஆம் தேதி பொங்கல் விருந்தாக உலகம் முழுவதும் பிரமாண்டமாக வெளியாகவுள்ள நிலையில் அவர் அரசியல் களத்தில் குதிப்பதற்குள் ஏ.ஆர்.முருகதாஸ் இயக்கத்தில் ஒரு படம் நடிக்க திட்டமிட்டுள்ளார்.

இந்த படத்தின் ஆரம்பகட்ட வேலைகள் தொடங்கிவிட்டதாக கூறப்படும் நிலையில் இந்த படத்தின் இசையமைப்பாளர் யார்? என்பது மிகப்பெரிய கேள்வியாக உள்ளது. ஏ.ஆர்.ரஹ்மான், அனிருத் உள்பட பல பெயர்கள் பரிசீலனையில் இருப்பதாக கூறப்படும் நிலையில் ஹாரீஸ் ஜெயராஜ் பெயரும் அந்த பட்டியலில் இருப்பதாக தெரிகிறது.

இதுகுறித்து சமீபத்தில் ஊடகம் ஒன்றுக்கு பேட்டியளித்த ஹாரீஸ் ஜெயராஜ், 'கமல்ஹாசன், அஜித், விஜய், சூர்யா உள்பட பல பெரிய நடிகர்களின் படத்தில் பணிபுரிந்துவிட்டேன். அதேபோல் ரஜினி படத்திற்கு இசையமைக்க வாய்ப்பு கிடைத்தால் சந்தோஷமாக ஏற்று கொள்வேன்' என்று தெரிவித்துள்ளார். ரஜினி படத்திற்கு இசையமைக்க முதல்முறையாக ஹாரீஸ் ஜெயராஜூக்கு வாய்ப்பு கிடைக்குமா? என்பதை பொறுத்திருந்து பார்ப்போம்