நடிகர் சூர்யா தற்போது செல்வராகவன் இயக்கி வரும் 'என்.ஜி.கே.' மற்றும் கே.வி.ஆனந்த் இயக்கி வரும் 'சூர்யா 37' ஆகிய இரண்டு படங்களில் நடித்து வருகிறார். இவற்றில் 'என்.ஜி.கே' படத்தின் படப்பிடிப்பு முடியுந்தருவாயில் உள்ளது.

இந்த நிலையில் 'சூர்யா 37' படத்தின் முதல்கட்ட படப்பிடிப்பு சமீபத்தில் லண்டனில் முடிந்த நிலையில் விரைவில் அடுத்தகட்ட படப்பிடிப்பு தொடங்கவுள்ளது. இந்த நிலையில் இந்த படத்தின் இசையமைப்பாளர் ஹாரீஸ் ஜெயராஜ், இந்த படத்திற்காக ஒரு பாடலை ஒலிப்பதிவு செய்துள்ளார். இந்த பாடலை ஒரு தனியார் இசைப்பள்ளியை சேர்ந்த சின்னஞ்சிறு மழலைகளை அவர் பாட வைத்துள்ளார். இந்த பாடல் படத்தின் ஹைலைட்டாக இருக்கும் என்று எதிர்பார்க்கப்படுகிறது.

இந்த படத்தில் சூர்யாவுடன் சாயிஷா, மலையாள சூப்பர் ஸ்டார் மோகன்லால், பிரபல தெலுங்கு நடிகர் சிராஜ் ஜானி, ஆர்யா, சமுத்திரக்கனி மற்றும் பிரபல பாலிவுட் நடிகர் பொமன் இரானி ஆகிய பிரபலங்கள் நடித்து வருகின்றனர். இந்த படத்தை லைகா நிறுவனம் தயாரித்து வருகிறது.