பாரிஸ் ஜெயராஜ் ஆக மாறிய ஹாரிஸ் ஜெயராஜ்.. அம்மாவுடன் க்யூட் புகைப்படம்..!
- IndiaGlitz, [Wednesday,April 12 2023]
தமிழ் திரையுலகின் முன்னணி இசையமைப்பாளர்களில் ஒருவரான ஹாரிஸ் ஜெயராஜ் தனது அம்மாவுடன் பாரிஸ் நகரில் இருக்கும் புகைப்படத்தை பகிர்ந்து உள்ள நிலையில் அந்த புகைப்படத்திற்கு லைக்ஸ் கமெண்ட்ஸ் குவிந்து வருகிறது.
கௌதம் மேனன் இயக்கிய முதல் திரைப்படமான ‘மின்னலே’ என்ற திரைப்படத்தின் மூலம் இசையமைப்பாளராக அறிமுகமானார் ஹாரிஸ் ஜெயராஜ். இதையடுத்து ’சாமி’ ’கோவில்’ ’காக்க காக்க’ ’அருள்’ ’அன்னியன்’ ’பச்சைக்கிளி முத்துச்சரம்’ ’பீமா’ ’ஆதவன்’ உள்ளிட்ட பல திரைப்படங்களுக்கு அவர் இசையமைத்தார். குறிப்பாக விஜய் நடித்த ’துப்பாக்கி’ அஜித் நடித்த ’என்னை அறிந்தால்’ ஆகிய திரைப்படங்கள் பாடல்கள் மற்றும் பின்னணி இசைக்காக ரசிகர்களால் பாராட்டப்பட்டது.
இந்த நிலையில் இசையமைப்பாளர் ஹாரிஸ் ஜெயராஜ் தனது அம்மாவுடன் ஐரோப்பிய நாடுகளுக்கு சுற்றுப்பயணம் செய்து உள்ள நிலையில், சமீபத்தில் அவர் பாரிஸ் ஈபிள் டவர் முன் அம்மாவுடன் எடுத்த செல்பி புகைப்படத்தை தனது சமூக வலைத்தளத்தில் பகிர்ந்து உள்ளார். இந்த புகைப்படத்திற்கு லைக்ஸ் குவிந்து வருகிறது.
இசையமைப்பாளர் ஹாரிஸ் ஜெயராஜ் தற்போது அவர் ஜெயம் ரவி நடிக்க இருக்கும் 30 வது திரைப்படத்திற்கு இசையமைத்து வருகிறார்.