எவ்வளவு நேரம் வேண்டுமானாலும் காத்திருப்பார் நயன்தாரா. ஹரிஷ் உத்தமன்
- IndiaGlitz, [Sunday,March 26 2017]
லேடி சூப்பர் ஸ்டார் பட்டத்திற்கு நயன்தாரா ஏன் பொருத்தமானவர் என்பது குறித்து 'டோரா' இயக்குனர் தாஸ் ராமசாமி கூறியதை சமீபத்தில் பார்த்தோம். இந்த நிலையில் அதே படத்தில் நயன்தாராவுடன் முக்கிய வேடம் ஒன்றில் நடித்துள்ள ஹரிஷ் உத்தமன் தற்போது நயன்தாரா புகழ் பாடியுள்ளார்
நயன்தாரா தன்னுடைய கேரக்டரின் படப்பிடிப்பு முடிந்தவுடன் நேராக கேரவன் சென்று ஓய்வு எடுப்பவர் அல்ல. அவர் நடிக்காத காட்சிகளின் படப்பிடிப்பையும் உற்று கவனிப்பார். அவர் ஒரு அர்ப்பணிப்பு குணம் உடைய நடிகை. அவருடன் நடிக்கும் அனைவருமே இதை உணர்வார்கள்
மேலும் படப்பிடிப்பு தளத்தில் தன்னுடைய காட்சி படப்பிடிப்பு தாமதம் ஆனாலும் எவ்வளவு நேரம் வேண்டுமானாலும் பொறுமையுடன் காத்திருப்பார். அதேபோல் படப்பிடிப்பிற்கு சரியான நேரத்தில் வரக்கூடியவர். இதனால்தான் அவர் இன்னும் அனைவரும் போற்றும் நடிகையாக உள்ளார் என்று கூறியுள்ளார். ஹரிஷ் உத்தமன் ஏற்கனவே 'தனி ஒருவன்' படத்தில் நயன்தாராவுடன் நடித்தவர் என்பது குறிப்பிடத்தக்கது.