'గోదారి తీరం కాదు.. గోదారిలోనే' నా కల నెరవేరింది!
- IndiaGlitz, [Wednesday,August 28 2019]
మెగా హీరో వరుణ్ తేజ్, పూజా హెగ్దే నటీనటులుగా హరీశ్ శంకర్ తెరకెక్కిస్తున్న చిత్రం ‘వాల్మీకి’. ఇప్పటికే సినిమా షూటింగ్ దాదాపు పూర్తి చేసుకుంది. ఇక తదుపరి వర్క్ మాత్రమే మిగిలుంది. మొదట ఈ సినిమాను సెప్టెంబ‌ర్ 13న రిలీజ్‌కు సిద్ధం రంగం చేసుకున్నప్పటికీ ఆ తర్వాత మళ్లీ 20న విడుద‌ల చేయాల‌ని దర్శకనిర్మాతలు నిర్ణయించుకున్నారు.
కల నెరవేరింది..!
తాజాగా ఈ సినిమాకు సంబంధించి దర్శకుడు హరీశ్ ఓ ఆసక్తికర విషయాన్ని మెగాభిమానులు, నెటిజన్లతో షేర్ చేసుకున్నాడు. ‘గోదావరి తీరంలో కాదు .. గోదావరి నదిలోనే షూటింగ్ జరుపుతున్నాము. గోదావరిలో షూటింగ్ చేయాలనే నా కల నిజమైంది’ అనే ట్వీట్ హరీశ్ ట్వీట్ చేశాడు. అంతేకాదు.. ఓ సెల్ఫీని కూడా డైరెక్టర్ పోస్ట్ చేశాడు.
కాగా.. విభిన్నమైన కథాకథనాలతో వస్తున్న ఈ సినిమా ఎప్పుడెప్పుడా రిలీజ్ అవుతుందా అని.. మెగాభిమానులతో పాటు సినీ ప్రియుల్లోనూ సర్వత్రా ఆసక్తి నెలకొంది. అంతేకాదు.. ఈ సినిమా తన కెరీర్‌లో ఓ మైలురాయిగా నిలిచిపోతుందని వరుణ్ ఓ గట్టి నమ్మకం పెట్టుకున్నాడు.