షాక్ సినిమాతో ద‌ర్శ‌కుడిగా ప‌రిచ‌య‌మై..మిర‌ప‌కాయ్ సినిమాతో స‌క్సెస్ సాధించిన డైరెక్ట‌ర్ హ‌రీష్ శంక‌ర్. ఆత‌ర్వాత గ‌బ్బ‌ర్ సింగ్ తో సెన్సేష‌న‌ల్ హిట్ సాధించి ఇండ‌స్ట్రీ ద్రుష్టిని ఆక‌ర్షించిన హ‌రీష్ శంక‌ర్ రామ‌య్యా వ‌స్తావ‌య్యా ఫ్లాప్ అవ్వ‌డంతో వెన‌క‌బ‌డిపోయాడు. ఇటీవ‌ల మెగాస్టార్ మేన‌ల్లుడు సాయిథ‌ర‌మ్ తేజ్ తో సుబ్ర‌మ‌ణ్యం ఫ‌ర్ సేల్ మూవీ తెర‌కెక్కించాడు. ఈ సినిమా ఆశించిన స్ధాయిలో ఆక‌ట్టుకోలేక‌పోయింది.

ఈ సినిమా త‌ర్వాత హ‌రీష్ శంక‌ర్ బ‌న్ని తో మూవీ చేస్తాడ‌ని ప్ర‌చారం జ‌రిగింది. కానీ ఇప్ప‌టి వ‌ర‌కు క్లారిటీ రాలేదు. అయితే బ‌న్ని ప్ర‌స్తుతం చేస్తున్న స‌రైనోడు సినిమా త‌ర్వాత విక్ర‌మ్ కుమార్ తో మూవీ ప్లాన్ చేస్తున్నాడ‌ని తెలియ‌డంతో హ‌రీష్ శంక‌ర్ మాస్ రాజా ర‌వితేజ తో మూవీ చేయాల‌ని ఫిక్స్ అయ్యాడ‌ట‌. ర‌వితేజ ప్ర‌స్తుతం ఎవ‌డో ఒక‌డు సినిమా చేస్తున్నాడు. ఆత‌ర్వాత డైరెక్ట‌ర్ సుధీర్ వ‌ర్మ కూడా ర‌వితేజ కోసం లైన్ లో ఉన్నాడు. మ‌రి..హ‌రీష్ శంక‌ర్ కి ర‌వితేజ అవ‌కాశం ఇస్తాడో..? లేదో..? ఇస్తే ఎప్పుడు ఇస్తాడో..?