హ‌రీశ్ శంక‌ర్ కొత్త ప్ర‌య‌త్నాలు...
- IndiaGlitz, [Saturday,August 11 2018]
ద‌ర్శ‌కుడు త‌న త‌దుప‌రి సినిమా కోసం కొత్త ప్ర‌య‌త్నాలు మొద‌లెట్టాడు. 'డీజే దువ్వాడ జ‌గ‌న్నాథ‌మ్' త‌ర్వాత దాదాపు ఏడాది పాటు.. ఏ సినిమా చేయ‌లేదు. గ‌తంలో దిల్‌రాజుతో'దాగుడు మూత‌లు' సినిమా చేయ‌డానికి సిద్ధం అయ్యారు. నితిన్‌, శ‌ర్వానంద్‌ల‌ను హీరోలుగా కూడా అనౌన్స్ చేశారు.
అయితే ఏమైందో తెలియ‌దు కానీ.. దిల్‌రాజు సినిమా చేయ‌డానికి నో చెప్పేశాడు. దాంతో ఇప్పుడు హ‌రీశ్ శంక‌ర్ కొత్త నిర్మాత‌ల‌ను వెతుక్కుంటున్నాడు. అందులో భాగంగా 14 రీల్స్ నిర్మాత‌ల‌ను క‌లిశారట. ఇప్ప‌టికే 14 రీల్స్ వ‌రుణ్‌తేజ్‌, సాగ‌ర్ చంద్ర కాంబినేష‌న్‌లో సినిమా చేయ‌డానికి సిద్ధ‌మైంది. ఇప్పుడు హ‌రీశ్ శంక‌ర్‌తో సినిమా చేయ‌డానికి ఓకే అంటారో లేదో చూడాలి.