విజయ్ దేవరకొండ పై హరీష్ శంకర్ కామెంట్స్
- IndiaGlitz, [Tuesday,September 24 2019]
డైరెక్టర్ హ‌రీశ్ శంకర్ రీసెంట్‌గా విడుద‌లైన 'గద్దలకొండ గణేష్'తో పెద్ద విజ‌యాన్నిసొంతం చేసుకున్నాడు. ఈ విజ‌యం హ‌రీశ్‌లో ఓ మేర కాన్ఫిడెంట్‌ను పెంచింద‌నే చెప్పాలి. వ‌రుణ్‌తేజ్‌కు ఈ ఏడాది సెకండ్ హిట్. ఇప్ప‌టి వ‌ర‌కు వ‌చ్చిన క‌లెక్ష‌న్స్ బాగానే ఉన్నాయి. తాజాగా డైరెక్టర్ హ‌రీశ్ శంకర్ ఓ ఇంట‌ర్వ్యూలో మాట్లాడుతూ రౌడీ స్టార్ విజయ్ దేవరకొండ గురించి ప్ర‌స్తావ‌న వ‌స్తే కొన్ని విష‌యాల‌ను చెప్పాడు. హీరో విజయ్ దేవరకొండతో సినిమా చే్యాల‌ని హ‌రీశ్ శంకర్ అత‌న్ని వెళ్లి క‌ల‌వ‌గా, రెండేళ్ల వ‌ర‌కు ఖాళీ లేద‌ని, త‌ర్వాత చూద్దామ‌ని చెప్పేశాడ‌ట. అంటే విజయ్ దేవరకొండతో హ‌రీశ్ ప్ర‌య‌త్న‌మైతే చేశాడు కానీ ఫ‌లించ‌లేదు. అయితే ఈ ఇంట‌ర్వ్య‌లోనే హ‌రీశ్ మాట్లాడుతూ విజయ్ దేవరకొండ నెగెటివ్‌పై ఎక్కువ‌గా స్పందిస్తాడ‌ని, అలా కాకుండా కూల్‌గా ఉంటే బెస్ట్ అని స‌ల‌హా ఇచ్చాడు. మ‌రి హ‌రీశ్ శంకర్ స‌ల‌హాను విజయ్ దేవరకొండ వింటాడో లేదో చూడాలి.
అయితే ఇక్క‌డ ప్ర‌స్తావించాల్సిన విష‌య‌మేమంటే హ‌రీశ్ శంక‌ర్‌ను ప‌క్క‌న పెట్టిన విజయ్ దేవరకొండ త‌న త‌దుప‌రి సినిమాను పూరితో చేయ‌డానికి సిద్ధ‌మ‌య్యాడు. నిజానికి ముందు ఇస్మార్ట్ శంక‌ర్‌ను కూడా విజ‌య్‌దేవ‌ర‌కొండ‌తో పూరి చేయాల‌నుకున్నాడ‌ని, త‌న‌ను కాదంటేనే రామ్‌తో చేసి బ్లాక్ బ‌స్ట‌ర్ హిట్ కొట్టాడ‌ని ఇండస్ట్రీలో ఓ టాక్ ఉంది. అయితే హిట్ త‌ర్వాతే పూరితో ప‌ని చేయ‌డానికి విజయ్ దేవ‌కొండ ఆస‌క్తిని చూపాడు. ప్ర‌స్తుతం పూరి, ఈ హీరో కోసం స్క్రిప్ట్‌ను సిద్ధం చేస్తున్నాడు.