திரையில் ஜோடியாக மாறும் பிக்பாஸ் பங்கேற்பாளர்கள்
- IndiaGlitz, [Tuesday,October 31 2017]
சமீபத்தில் கமல்ஹாசன் தொகுத்து வழங்கிய பிக்பாஸ் நிகழ்ச்சியால் அந்த நிகழ்ச்சியில் பங்கேற்ற அனைவருமே மக்கள் மத்தியில் பிரபலமானார்கள். ஓவியா, ஆரவ், ஹரிஷ் கல்யாண், ரைசா, வையாபுரி போன்றவர்கள் பாசிட்டிவ் பிரபலமாகவும், ஜூலி, காயத்ரி போன்றவர்கள் நெகட்டிவ் பிரபலமாகவும் மாறினர்
இருப்பினும் பிக்பாஸ் நிகழ்ச்சியில் கலந்து கொண்ட பலருக்கு திரையுலகிலும், தொலைக்காட்சியிலும் நல்ல வாய்ப்புகள் கிடைத்து வருகின்றது. ஓவியாவுக்கு ஒரு பக்கம் திரைப்படங்கள் குவிந்து வருவதையும் இன்னொரு ஜூலி, காயத்ரி, சக்தி போன்றவகளுக்கு தொலைக்காட்சி நிகழ்ச்சி தொகுப்பாளர் பணியும் கிடைத்து வரும் செய்திகளை பார்த்து வருகிறோம்
இந்த நிலையில் பிக்பாஸ் நிகழ்ச்சியின் பங்கேற்பாளர்களான ஹரிஷ் கல்யாண், ரைசா ஆகியோர் ஒரு படத்தில் ஜோடியாக நடிக்க ஒப்பந்தமாகியுள்ளனர். கிருஷ்ணா, சந்திரன் நடித்த கிரகணம்' என்ற திகில் படத்தை இயக்கிய இளன் இந்த படத்தை இயக்கவுள்ளார். யுவன்ஷங்கர் ராஜா இசையமைக்கும் இந்த படத்தின் ஃபர்ஸ்ட்லுக் நவம்பர் 5ஆம் தேதி வெளியாகும் என்று எதிர்பார்க்கப்படுகிறது.