பிக்பாஸ் பிரபலம் ஹரிஷ்-ரைசா படத்தின் டைட்டில் அறிவிப்பு
- IndiaGlitz, [Friday,November 17 2017]
கமல்ஹாசன் தொகுத்து வழங்கிய 'பிக்பாஸ்' நிகழ்ச்சியின் பங்கேற்பாளர்கள் அனைவருக்குமே நல்ல வாய்ப்புகள் கிடைத்து சினிமா மற்றும் தொலைக்காட்சிகளில் நடித்து வருகின்றனர். அந்த வகையில் ஹரிஷ் மற்றும் ரைசா ஆகிய இருவரும் ஒரு படத்தில் இணைந்து நடிக்கவுள்ளதாக வெளிவந்த செய்தியை ஏற்கனவே பார்த்தோம்
இந்த நிலையில் இந்த படத்தின் டைட்டில் தற்போது அறிவிக்கப்பட்டுள்ளது. இந்த படத்திற்கு 'பியார் பிரேமா காதல்' என்ற டைட்டில் வைக்கப்பட்டுள்ளது. இதனை உறுதி செய்யும் வகையில் இந்த படத்தின் டைட்டிலுடன் கூடிய ஃபர்ஸ்ட்லுக் போஸ்டர் சமூக வலைத்தளங்களில் சற்றுமுன்னர் வெளியாகியுள்ளது
'பாகுபலி 2' படத்தை வெளியிட்ட கே புரொடக்ஷ்ன்ஸ் ராஜராஜன் மற்றும் இசையமைப்பாளர் யுவன் ஷங்கர்ராஜாவின் YSR பிலிம்ஸ்( பி) லிட் இணைந்து தயாரிக்கும் இந்த படத்தை இளன் இயக்குகிறார். யுவன்ஷங்கர் ராஜா இசையில், ராஜா பட்டாச்சார்யா ஒளிப்பதிவில் இந்த படம் உருவாகவுள்ளது.
இந்த படம் குறித்து இயக்குனர் இளன் கூறியதாவது: உலக அளவில் மாபெரும் வெற்றிபெற்ற படங்கள் அனைத்துமே காதலை அழகாகவும் அழுத்தமாகவும் சொல்லப்பட்ட படங்கள்தான். அந்தப் படங்களில் இசையும் மக்களை தியேட்டருக்கு இழுத்த முக்கிய காரணமாக இருந்திருக்கிறது. அந்த பார்முலாவில் உருவாகும் படமே 'பியார் பிரேமா காதல்'. காதலை இந்தியில் பியார் என்றும் தெலுங்கில் பிரேமா என்றும் தமிழில் காதல் என்றும் டைட்டில் வைத்திருக்கிறோம்'' என்று கூறினார்